Bondelswart-opstand

(Aangestuur vanaf Bondelswartopstand)

Die Bondelswart-opstand was 'n omstrede en gewelddadige voorval in Suidwes-Afrika, wat destyds onder Volkebond-mandaat deur die Suid-Afrikaanse regering geadministreer is.

In 1917 het die Suid-Afrikaanse administrasie 'n belasting op honde ingestel en dit in 1921 verhoog.[1] Die Bondelswarts, 'n Khoikhoi-groep, het die belasting verwerp en was teen verskeie van die nuwe administrasie se beleide gekant. Hulle het ook beskerming aan vyf mans, teen wie lasbriewe uitgereik is, verleen.[1]

Daar is verskillende menings oor die voorval, maar volgens die historikus Neta Crawford is daar algemeen in Mei 1922 geglo dat die Bondelswarts hulself voorberei het om te veg, of ten minste om hulself te verdedig. Die administrasie het dit as 'n rebellie van 500 tot 600 mense beskou, wat hulle wou onderdruk. Daar is beweer dat 200 van hulle gewapen was (hoewel net sowat 40 wapens afgeneem is nadat die groep verpletter is).[1]

Gysbert Hofmeyr, die destydse administrateur, het 400 gewapende mans georganiseer en 'n vliegtuig ingestuur om die Bondelswarts te bombardeer. Ongeveer 100 Bondelswarts is gedood, insluitend 'n paar vroue en kinders.[1] 'n Verdere 468 mense is óf gewond óf gevange geneem.[1]

VerwysingsWysig

  1. 1,0 1,1 1,2 1,3 1,4 Crawford, Neta (2002). "6 - Sacred Trust". Argument and Change in World Politics: Ethics, Decolonization and Humanitarian Intervention. Cambridge University Press.