Bongani Mayosi
Bongani Mawethu Mayosi (28 Januarie 1967 – 27 Julie 2018) was'n Suid-Afrikaanse professor in kardiologie aan wie sy land se hoogste eerbewys, die Orde van Mapungubwe (silwer), in 2009 toegeken is.[1] Hy was die dekaan van die Fakulteit Gesondheidswetenskappe aan die Universiteit van Kaapstad en 'n A-gegradeerde Nasionale Navorsingstigtingnavorser.[2] Hy was voorheen hoof van die Departement Geneeskunde aan die Universiteit van Kaapstad en die Groote Schuur-Hospitaal.[3] Sy vader was 'n dokter en so ook sy vrou; sy navorsing het rumatiekkoors, tuberkuleuse perikarditis en kardiomiopatie ingesluit.[4][5] Hy was 'n lid van die Akademie vir Wetenskap van Suid-Afrika en 'n voormalige president van die Kollege van Geneeskunde van Suid-Afrika.[6]
| Bongani Mayosi | |
| Gebore | 28 Januarie 1967 Mthatha, Suid-Afrika |
|---|---|
| Oorlede | 27 Julie 2018 (ouderdom 51) Kaapstad, Suid-Afrika |
| Nasionaliteit | Suid-Afrikaner |
| Alma mater | Nelson R Mandela Skool vir Geneeskunde, Universiteit van KwaZulu-Natal Universiteit Kaapstad Universiteit Oxford |
| Bekend vir | Professor in Geneeskunde Dekaan van die Fakulteit Gesondheidswetenskappe |
Loopbaan
wysigIn 2017 is hy verkies tot die Amerikaanse Nasionale Akademie vir Geneeskunde.[7] Professor Mayosi het meer as 300 eweknie-geëvalueerde akademiese artikels individueel en gesamentlik gepubliseer.[8] Hy was deel van die span wat een van die gene ontdek het wat die lewensbedreigende hartsiekte, aritmiogeniese regterventrikulêre displasie, veroorsaak. Hierdie ontdekking word beskou as een van die belangrikste mediese deurbrake in Suid-Afrika sedert die eerste mensehartoorplanting.[9][10]
Mayosi was voorsitter van die span wat deur die Suid-Afrikaanse Minister van Gesondheid, Aaron Motsoaledi, aangewys is om onreëlmatighede en wanadministrasie te ondersoek in die Raad vir Gesondheidsberoepe van Suid-Afrika (HPCSA), die organisasie wat gesondheidswerkers registreer, reguleer en van riglyne voorsien.[11]
Dood
wysigMayosi is op 27 Julie 2018 weens selfdood oorlede nadat hy vir twee jaar aan kliniese depressie gely het.[12] Agt maande voor sy dood het hy sy bedanking ingedien, maar dit is oënskynlik van die hand gewys.[13] Hy was geoormerk vir 'n alternatiewe pos, naamlik die hoof van die Suid-Afrikaanse Mediese Navorsingsraad, sodat hy sy "baie stresvolle" huidige werk kon verlaat.[14] Die president van Suid-Afrika, Cyril Ramaphosa, het sy meegevoel met Mayosi se afsterwe betuig.[15]
Verwysings
wysig- ↑ H3AFRICA, South Africa. "Dr. Bongani Mayosi" Geargiveer 20 Oktober 2015 op Wayback Machine, Human Heredity & Health Africa, 2013. Besoek op 26 Augustus 2014.
- ↑ "Bongani Mayosi receives A rating | UCT Research and Innovation". www.research.uct.ac.za. Geargiveer vanaf die oorspronklike op 17 November 2016. Besoek op 17 November 2016.
- ↑ "University of Cape Town / Newsroom & publications / Daily news". www.uct.ac.za (in Engels). Geargiveer vanaf die oorspronklike op 23 Februarie 2017. Besoek op 6 Desember 2015.
- ↑ Kirby, T (2012). "Bongani Mayosi: targeting heart diseases of poverty in Africa". Lancet. 380 (9858): 1985. doi:10.1016/S0140-6736(12)62144-8. PMID 23217856.
- ↑ Soekresultate vir outeur Mayosi op PubMed.
- ↑ ASSAf. "MEMBERS LIST" Geargiveer 26 Julie 2018 op Wayback Machine, ACADEMY OF SCIENCE OF SOUTH AFRICA, unknown. Retrieved on 26 August 2014.
- ↑ "Prof Mayosi elected to US National Academy of Medicine". www.news.uct.ac.za (in Engels). Geargiveer vanaf die oorspronklike op 4 Oktober 2018. Besoek op 27 Julie 2018.
- ↑ "Scopus preview - Scopus - Author details (Mayosi, Bongani Mawethu)". www.scopus.com (in Engels (VSA)). Besoek op 28 Julie 2018.
- ↑ patrick (15 September 2017). "2017 NRF Award Winners". www.nrf.ac.za (in Engels). Geargiveer vanaf die oorspronklike op 28 Julie 2018. Besoek op 28 Julie 2018.
- ↑ Mayosi, Bongani M.; Fish, Maryam; Shaboodien, Gasnat; Mastantuono, Elisa; Kraus, Sarah; Wieland, Thomas; Kotta, Maria-Christina; Chin, Ashley; Laing, Nakita; Ntusi, Ntobeko B.A.; Chong, Michael; Horsfall, Christopher; Pimstone, Simon N.; Gentilini, Davide; Parati, Gianfranco; Strom, Tim-Matthias; Meitinger, Thomas; Pare, Guillaume; Schwartz, Peter J.; Crotti, Lia (2017). "Identification of Cadherin 2 (CDH2) Mutations in Arrhythmogenic Right Ventricular CardiomyopathyCLINICAL PERSPECTIVE". Circulation: Cardiovascular Genetics. 10 (2): e001605. doi:10.1161/CIRCGENETICS.116.001605. ISSN 1942-325X.
- ↑ "REPORT OF THE MINISTERIAL TASK TEAM (MTT) TO INVESTIGATE ALLEGATIONS OF ADMINISTRATIVE IRREGULARITIES, MISMANAGEMENT AND POOR GOVERNANCE AT THE HEALTH PROFESSIONS COUNCIL OF SOUTH AFRICA (HPCSA): A CASE OF MULTI-SYSTEM FAILURE" (PDF). 25 Oktober 2015. Geargiveer vanaf die oorspronklike (PDF) op 4 Oktober 2018. Besoek op 29 Julie 2018.
- ↑ "Family devastated by death of Prof Bongani Mayosi, says he struggled with depression", news24.com 28 Julie 2018 Geargiveer 29 Julie 2018 op Wayback Machine. Besoek 30 Julie 2018.
- ↑ "Did student protests contribute to UCT professor's suicide? | Cape Argus" (in Engels). Besoek op 30 Julie 2018.
- ↑ "Top cardiologist's 'desperate decision' devastates family" (in Engels (VSA)). Geargiveer vanaf die oorspronklike op 23 November 2018. Besoek op 31 Julie 2018.
- ↑ "Ramaphosa mourns death of prominent cardiologist Professor Bongani Mayosi | IOL News" (in Engels). Besoek op 31 Julie 2018.