Bromeliaceae
Bromeliaceae, of die bromelias, is ’n familie eensaadlobbige plante met sowat 3 170 spesies wat hoofsaaklik aan die tropiese streke van die Amerikas inheems is. ’n Paar spesies word ook in die Amerikaanse subtropiese klimaatstreke aangetref en een, Pitcairnia feliciana, in tropiese Wes-Afrika.[2]
| Bromeliaceae | |
|---|---|
| |
| Die pynappel, ’n bromeliaplant. | |
| Wetenskaplike klassifikasie | |
| Koninkryk: | |
| Divisie: | |
| Klas: | |
| Orde: | |
| Familie: | Bromeliaceae Juss.[1]
|
| Subfamilies | |
| |
Eienskappe wysig
Dit is een van die bodemstandige families in die orde Poales en is uniek omdat dit die enigste familie in die orde is wat nektarkliere en onderstandige vrugbeginsels het.[3] Dit kom voor in die subfamilie Bromelioideae.[4] Die familie bevat beide grond- en lugplante. Een van eersgenoemdes is die pynappel (Ananas comosus).
Baie bromelias gaar water en dierereste in ’n struktuur op wat deur hul geutvormige, oorvleuelende blare gevorm word. Ander gaar net water op met blaarstrukture wat trigome genoem word en sommige is selfs woestynvetplante. Die blare het verskillende vorms, van naalddun tot breed en plat, van simmetries tot onreëlmatig, en van stekelrig tot sag. Hulle groei in ’n rosetvorm en is helderkleurig, van maroen en skakerings van groen tot goud. Daar is ook variëteite met rooi, geel, wit en roomkleurige blare.
Die bloeias is meer uiteenlopend as in enige ander plantfamilie. Sommige blomme s’n is tot 10 meter lank, terwyl ander net 2–3 mm breed is. By sommige spesies kan die blomme nie gesien word nie omdat hulle diep in die basis van die plant groei.
Spesies met grondwortels het ’n ingewikkelde wortelstelsel wat water en voedingstowwe opneem, terwyl epifiete harde, draderige wortels het wat aan bome en rotse klou en feitlik geen rol speel in die voeding van die plant nie.
Galery wysig
-
Billbergia pyramidalis -
Billbergia pyramidalis -
Tillandsia usneoides -
Die blom van ’n Billbergia-spesie -
Puya alpestris -
Tillandsia-lugplante
Verwysings wysig
- ↑ Angiosperm Phylogeny Group (2009), "An update of the Angiosperm Phylogeny Group classification for the orders and families of flowering plants: APG III", Botanical Journal of the Linnean Society 161 (2): 105–121, doi:10.1111/j.1095-8339.2009.00996.x, archived from the original on 2017-05-25, https://wayback.archive-it.org/all/20170525104318/http://onlinelibrary.wiley.com/doi/10.1111/j.1095-8339.2009.00996.x/abstract, besoek op 2010-12-10
- ↑ Mabberley, D.J. (1997). The Plant Book. Cambridge: Cambridge University Press.
- ↑ Judd, Walter S. Plant systematics a phylogenetic approach. 3de uitg. Sunderland, MA: Sinauer Associates, Inc., 2007.
- ↑ Sajo, M. G. "Floral anatomy of Bromeliaceae, with particular reference to the epigyny and septal nectaries in commelinid monocots." Plant Systematics and Evolution 247 (2004): 215-31.
Eksterne skakels wysig
- Fotogalery Geargiveer 12 Augustus 2011 op Wayback Machine by die World Wide Web Bromeliad Society
- Taksonlys Geargiveer 12 Augustus 2011 op Wayback Machine, ’n lys van name en sinonieme wat voortdurend bygewerk word
- Palm trees, small palms, Cycads, Bromeliads and tropical plants Geargiveer 3 Desember 2016 op Wayback Machine Foto's en inligting oor habitat en versorging
Wikimedia Commons het meer media in die kategorie Bromeliaceae.
Wikispecies het meer inligting verwant aan Bromeliaceae
Hierdie artikel is vertaal uit die Engelse Wikipedia
