Campo del Cielo
Campo del Cielo verwys na 'n groep ystermeteoriete en die gebied in Argentinië waar hule ontdek is.[1]
| Campo del Cielo | ||
| ||
| 'n Fragment van die Campo del Cielo-ystermeteoriet. | ||
| Voorwerp | ||
| Tipe | Yster | |
| Groep | IAB | |
| Samestelling | 92,9% Fe, 6,7% Ni, 0,4% Co | |
| Datum | 4 000 - 5 000 jaar gelede (geval) Voor 1576 (ontdek) | |
| Waargenome val | Nee | |
| TBG | 100 ton | |
| Verstrooi | Ja | |
| Gebied | ||
| Land |  Argentinië
| |
| Streek | Chaco- en Santiago del Estero-provinsie | |
Beskrywing en geskiedenis wysig
Die terrein strek oor twee provinsies, Chaco en Santiago del Estero, sowat 1 000 km noordnoordwes van Buenos Aires, Argentinië, en sowat 500 km suidwes van Asunción, Paraguay. Die kraterveld is 3 by 18,5 km groot en bevat minstens 26 kraters, waarvan die grootste een 115 by 91 m is.[2]
Die verstrooiingsveld wat met die meteoriet verbind word, is 'n bykomende 60 km groot met baie, kleiner fragmente.
Die kraters is na raming vier- tot vyfduisend jaar oud. Hulle bestaan is in 1576 aan die algemene publiek bekend gemaak, maar was reeds onder inheemse mense bekend.
Die kraters en omringende gebied bevat baie meteorietfragmente. Stukke van sowat 100 ton is reeds herwin, die meeste van enige meteoriet tot dusver.[3][4]
Die grootste twee fragmente, die "Gancedo" van 30,8 ton en "El Chaco" van 28,8 ton, is die grootste soliede meteorietmassas wat al op Aarde ontdek is naas die Hoba-meteoriet van 60 ton in Namibië en een stuk van 31 ton van die Kaap York-meteoriet in Groenland.
Verwysings wysig
- ↑ Campo del Cielo in die Earth Impact Database. Besoek op 7 September 2022.
- ↑ Bobrowsky, Peter T.; Rickman, Hans (2007). Comet/asteroid impacts and human society: an interdisciplinary approach. Springer. pp. 30–31. ISBN 978-3-540-32709-7.
- ↑ Viano, Lucas (19 Junie 2015). "Meteorite Thefts Pose a Problem in Ancient Impact Field". Scientific American. Besoek op 31 Maart 2017.
- ↑ "Campo del Cielo". www.sun.org (in Engels). Besoek op 24 Februarie 2022.
Skakels wysig
Wikimedia Commons het meer media in die kategorie Campo del Cielo.
Hierdie artikel is in sy geheel of gedeeltelik uit die Engelse Wikipedia vertaal.
