Canon EOS 500D
Die Canon EOS 500D is 'n 15.0 megapieksel intreevlak digitale enkellensreflekskamera, wat op 25 Maart 2009 deur Canon bekendgestel is. Dit was sedert Mei 2009 in winkels beskikbaar.[1][2] Dit is bekend as die EOS Kiss X3 in Japan, en as die EOS Rebel T1i in Noord-Amerika. Dit het die Rebelreeks van digitale SLR kameras voortgesit, as die opvolgermodel van die EOS 450D, en is later vervang deur die EOS 550D (T2i).
 | |
| Model | Canon EOS 500D/EOS Rebel T1i |
|---|---|
| Beeldsensor | CMOS APS-C 22.3 x 14.9 mm (1.6× omrekenfaktor) |
| Stoormedium | SD-kaart of SDHC |
| Resolusie | 15.1 effektiewe megapieksels, 4,752 x 3,168 |
| Lens | Omruilbare EF, EF-S |
| Flits | Ingeboude opwip met warmskoen (E-TTL II) |
| Sluiter | Fokusvlak |
| Sluiterspektrum | 1/4000 tot 30 s en gloeilamp, 1/200 s X-sync |
| Meting | Volle lensopening TTL, 35-sone SPC |
| Beligtingsmodusse | Volouto, Portret, Landskap, Naby, Sport, Nagportret, Geen flits, Program AE, Sluiterprioriteit Lensopeningprioriteit, Hand, Outo-velddiepte |
| Metermodusse | Plek, evaluerende 35-sone, gedeeltelik (9% teen senter) en senter-geweegde gemiddeld |
| Fokusareas | 9 AF-fokuspunte |
| Fokusmodusse | AI Fokus, Enkelskoot, AI Servo, Lewendige sig |
| Deurlopende skiet | 3.4 raampies/s, vir 17 JPEG of 9 rou leêrs |
| Beeldsoeker | Optiese pentaspieël, 95% dekking, 0.87x vergroting |
| Spoedspektrum | ISO 100 tot 3200 |
| Flitsgroepering | Ja |
| Witbalans | Outo, Daglig, Skadu, Bewolk, Tungstenlig, Wit Fluoreseerlig, Flits, Hand, gebruiker-verstelbaar |
| Witbalans- groepering |
± 3 stoppe in 1-stopinkremente |
| LCD-skerm | 3" kleur TFT LCD, 160° sighoek, 920,000 kolletjies |
| Battery | Li-ioon LP-E5 herlaaibare batterypak (7.4 V, 1050 mAh) |
| Opsionele batterypakke | BG-E5 batterygreep |
| Massa | 480 g (sonder battery) |
| Oorsprong | Japan, Taiwan |
| Prys | Kas alleen: €799 / $799 / £869.99 Stel: €899 / $899 / £969.99 (met 'n 18–55 mm IS lens) Stel: €1299 / £1399.99 (met 'n 18–200 mm IS lens) |
Dit is die derde digitale enkellensreflekskamera om 'n rolprentfunksie te bied en die tweede met die funksie van volle 1080p video-opname,[3] al is dit teen die koers van 20 rame/sek. Die kamera deel 'n paar funksies met die luukse Canon EOS 5D Mark II, insluitend rolprent, lewendige voorskou en DiGIC 4 prosesering. Soos die EOS 450D en EOS 1000D, maak dit gebruik van SDHC mediastoor, dit is reeds die derde Canon EOS-model wat hierdie medium gebruik in plaas van CompactFlash. Soos die EOS 5D Merk II, word videoskote opgeneem as MOV (QuickTime) lêers met H. 264/MPEG-4 saamgeperste video en lineêre PCM klank.[4]
Verwysings wysig
- ↑ "EOS 500D: get ready to play" (in Engels). 24 Januarie 2008. Geargiveer vanaf die oorspronklike op 27 Desember 2008. Besoek op 24 Januarie 2008.
- ↑ "Canon Press Release" (in Engels). 23 Januarie 2008. Geargiveer vanaf die oorspronklike op 12 Junie 2018. Besoek op 24 Januarie 2008.
- ↑ http://www.trustedreviews.com/news/Canon-Launches-15MP--1080p-Capable-500D-DSLR
- ↑ "Canon EOS Digital Rebel T1i" (in Engels). Geargiveer vanaf die oorspronklike op 6 Januarie 2017. Besoek op 30 Junie 2009.
| Hierdie artikel is in sy geheel of gedeeltelik vanuit die Engelse Wikipedia vertaal. |
