Canterbury of New Zealand
Canterbury of New Zealand (bloot na verwys as Canterbury) is 'n Nieu-Seelandse sporttoerustingvervaardiger wat hul op rugby fokus. Die maatskappy het sy oorsprong in die Canterbury-streek in Nieu-Seeland.
Canterbury of New Zealand is in 1904 gestig en vervaardig kledingstukke in Canterbury, Nieu-Seeland. Die handelsmerk se byskrif is "Committed To The Game". Sy logo is die silhoeët van drie Kiwivoëls wat die letters CCC skep; die voorletters van die Canterbury Clothing Company en verteenwoordigend van die drie mense wat die maatskappy gestig het.[1]
Die hoofkantoor is in Avondale, Auckland, Nieu-Seeland; die globale hoofkwartier is geleë in Stockport, VK; met satellietkantore in Sydney en Brisbane, Australië.[2]
Rugbyprodukte wat deur Canterbury vervaardig word, sluit in trui-uniforms, beskerming (kopbeskermers en mondskerms), stewels en balle . Die maatskappy vervaardig ook gemaklike klere (kortbroeke, t-hemde, polohemde, broeke, baadjies, kappietruie, sokkies), en bykomstighede (sakke, rugsakke, hoede en serpe).
Geskiedenis wysig
Canterbury of New Zealand is in 1904 gestig deur drie Engelse immigrante, John Lane, Pringle Walker en Alfred Rudkin. Canterbury het aanvanklik uniforms vir die Nieu-Seelandse en Australiese leërs tydens die Eerste Wêreldoorlog te maak. Later is die handelsmerk genader om rugbydrag vir die All Blacks te vervaardig.[3]
In 2006 het Canterbury sy Suid-Afrikaanse bedrywighede verkoop aan die beleggingsgroep House of Monatic, wat Canterbury Suid-Afrika gestig het om hierdie bedrywighede onder lisensie te bedryf.[4]
Borgskappe wysig
Die maatskappy borg talle nasionale en plaaslike spanne in rugby sowel as krieket.
Verwysings wysig
- ↑ "Kiwi logo". www.canterbury.com. Besoek op 7 Mei 2020.
- ↑ "Canterbury". LinkedIn. Besoek op 4 Junie 2017.
- ↑ "About Us". Canterbury. Besoek op 3 Junie 2017.
- ↑ Rossingh, Danielle (29 Januarie 2009). "South African Rugby Team's Kit-Maker Files for Liquidation". Bloomberg L.P. Besoek op 1 Februarie 2009.