Corbières (streek)

Die Corbières (in Oksitaans las Corbièras, in Katalaans les Corberes) is 'n natuurlike gebied in Languedoc-Roussillon in die suide van Frankryk. Dit is 'n streek wat bekend is vir sy wynbou en heuning wat gegrond is op roosmaryn en wat onder die handelsnaam Miel de Narbonne verkoop word. Die Corbières is geleë in die departemente Pyrénées-Orientales en Aude. Dit begin by étang de Leucate (of étang de Salses), naby Perpignan en strek tot by Carcassonne. In die noorde word die Corbières van die Minervois geskei deur die Auderivier. Die hoogste punt in die Corbières is die pic de Bugarach teen 1 230 m.

landskap van die Corbières naby die Villerouge-Termenès

Die Corbières kan in drie verskillende dele verdeel word:

  • Die haute Corbière (opper Corbière) geleë in die suidweste;
  • Die Corbière occidentale (westelike Corbière) in die noordweste; en
  • die Corbière de bordure of Basse-Corbière in die noorde en ooste. Die presiese benaming van die deel van die Corbières is die Corbières maritimes.