Dag van Duitse eenheid
Die Dag van Duitse eenheid (Duits: Tag der Deutschen Einheit) is Duitsland se Nasionale Vakansiedag, wat op 3 Oktober as 'n publieke vakansiedag gevier word.[1] Die dag herdenk die Duitse hereniging in 1990 toe die Duitse Demokratiese Republiek, of DDR, (Oos-Duitsland) met die Federale Republiek van Duitsland (Wes-Duitsland) verenig is. Dit was die eerste keer sedert 1945 wat daar 'n enkele Duitse staat bestaan het.[2]
| Dag van Duitse eenheid | |
|---|---|
| Duitse nasionale vakansiedag (3 Oktober) | |
 | |
| Amptelike naam | Tag der Deutschen Einheit |
'n Alternatiewe datum waarop hierdie hereniging moontlik gevier kon word is die dag wat die Berlynse Muur geval het: 9 November 1989, wat ook toevallig saam met die herdenking van die verkondiging van die Duitse Republiek in 1918 en die nederlaag van Hitler se eerste staatsgreep in 1923 geval het. Nietemin, 9 November was ook die herdenking van die eerste grootskaalse Nazi-geleide pogroms teen die Jode in 1938 (Kristallnacht), so indien die dag as 'n nasionale vakansiedag gevier sou word, kon dit as rassisties beskou word.[3][4] Dus is daar op 3 Oktober 1990, die dag van formele hereniging besluit. Dit het die "Duitse dag van eenheid" op 17 Junie, die nasionale vakansiedag van die Federale Republiek van Duitsland sedert 1954, vervang.
Besluit om te herenig
wysigDie besluit om 3 Oktober as die moontlike Dag van Eenheid te kies, is deur die Volkskammer, die Oos-Duitse parlement as gevolg van die dreigende ekonomiese en politieke ineenstorting van die DDR geneem. Die Helsinki Konferensie is vir 2 Oktober geskeduleer, waar buitelandse ministers oor die resultate van die Twee-plus-vier praatjies ingelig sou word.
Aan die begin van Julie, het die regerings van beide Duitse state op die skedule besluit: staatsverkiesings in die DDR sou op 14 Oktober gehou word en 'n Bundestag-verkiesing vir die hele land op 2 Desember.
Die besluit op die datum is uiteindelik op 22 Augustus deur die DDR se Minister-President, Lothar de Maizière, by 'n spesiale sessie van die Volkskammer gemaak wat 9 n.m. begin het. Na 'n vurige debat het die President van die Volkskammer, Sabine Bergmann-Pohl, die resultate op 23 Augustus, 2:30 v.m. aangekondig:
Die Volkskammer het besluit op die toetreding van die DDR tot die Konstitusie van die Federale Republiek van Duitsland volgens Artikel 23 van die Basiese Wette, beginnend op 3 Oktober 1990. In die saak Nr. 201 was daar 363 stemme. Daar was geen ongeldige stemme nie. 294 afgevaardigdes het "ja" gestem.(Harde applous van CDU/DA, DSU, FDP, deels SPD en die afgevaardigdes wat in hul stoele opstaan) 62 afgevaardigdes het "nee" gestem en 7 mense het gekies om nie te stem nie. Hierdie is 'n geskiedkundige gebeurtenis. Dames en Here, ek glo ons het nie 'n maklike besluit geneem nie, maar vandag het ons opgetree binne ons verantwoordelikhede van die stemreg van die burgers van die DDR. Ek dank almal dat hierdie resultaat moontlik gemaak is deur 'n konsensus oor partygrense heen.
Gregor Gysi, Voorsitter van die SED-PDS, was sigbaar bewoë en het 'n persoonlike verklaring gemaak: "Mevrou, die President! Die Parlement het besluit op die ondergang van die Duitse Demokratiese Republiek vanaf 3 Oktober 1990." Die stelling is met uitbundige gejuig van die CDU/DA, DSU en SPD.ontvang.
Feesvierings
wysig_Luftballons_vom_Freundeskreis_Hannover_f%C3%BCr_Angela_Merkel_und_Joachim_Gauck,,_(01).jpg)
Die Dag van Duitse eenheid word elke jaar met 'n seremoniële handeling en 'n burgerfees (Bürgerfest) gevier.
Alle Duitse state stel hulself op die sogenaamde 'Ländermeile' voor. Die stad waar hierdie feestelikhede plaasvind, is gewoonlik in die staat wat die presidentskap van die Federale Raad (Bundesrat) in daardie jaar beklee ('n volgorde bepaal deur die Königstein-ooreenkoms[5]). Ná Bonn in 2011 was Frankfurt am Main die tweede nie-staatlike hoofstad wat die vieringe in 2015 aangebied het; beide stede is egter betekenisvol in die Duitse politieke geskiedenis (Bonn as voormalige hoofstad van Wes-Duitsland en Frankfurt as die plek van die Frankfurtse parlement van 1848–49).
|
|
Verskeie feesvieringe en konserte word ook vir etlike jare in die land se hoofstad Berlyn gehou, hoofsaaklik gebaseer op Straße des 17. Juni en rondom die Brandenburghek. Verskeie hoofstede van die state en ander stede vier ook graag fees. Verder is daar ook die Oktoberfest-bierfees in München, wat tradisioneel tot die eerste Sondag in Oktober plaasvind en nou tot die 3de Oktober, as die eerste Sondag van die maand op die eerste of tweede dag in Oktober val. Die vieringe in die gasheerstad sluit altyd 'n fees en vuurwerkvertoning in.
Zipfelbund: kompasgemeenskappe
wysigBy die 1999 Dag van Duitse Eenheid-viering in Wiesbaden is die Zipfelbund (Compass Confederation) geformaliseer. Die Zipfelbund is die vier gemeenskappe by die kardinale kompaspunte[6] van Duitsland: Noord – List op die eiland Sylt, Wes – Selfkant, Suid – Oberstdorf en Oos – Görlitz. Saam neem hulle altyd deel aan die onderskeie jaarlikse vieringe om die moderne grense van Duitsland te verteenwoordig.
Verwysings
wysig- ↑ www.buzer.de – Article 3 of the Treaty of German reunification ("Einigungsvertrag")
- ↑ "Germans mark decade of unity" (in English). BBC. 3 Oktober 2000. Besoek op 16 Augustus 2024.
{{cite web}}: AS1-onderhoud: onerkende taal (link) - ↑ Kosmidou, Eleftheria Rania (2012). European Civil War Films: Memory, Conflict, and Nostalgia. pp. 9–10. ISBN 1136250646
- ↑ Deutsche Welle (dw.de) (09.11.2004). Schicksalstag der Deutschen.
- ↑ www.wahlrecht.de – Wahl des Bundesratspräsidenten & Königsteiner Vereinbarung
- ↑ "Impressum (Zipfelbund)".
Eksterne skakels
wysig| Wikimedia Commons bevat media in verband met Dag van Duitse eenheid. |
- Tag der Deutschen Einheit 2014 Niedersächsische Staatskanzlei
- Tag der Deutschen Einheit 2011 Bonn (in Duits)
- Chronik der Mauer chronik-der-mauer.de 1990 (in Duits)
- Video: Volkskammerbeschluss 23. August 1990 zum Beitritt der DDR zur Bundesrepublik Deutsches Rundfunkarchiv 1989 (in Duits)
- German Embassy Publication, Infocus:German Unity Day