Daily Sun

Daily Sun is verreweg die grootste dagblad in Suid-Afrika met 'n geouditeerde sirkulasie in 2008 van 513 291. Die uitgewer is Media24, 'n volfiliaal van Naspers.

Die koerant word hoofsaaklik in Gauteng, Limpopo, Mpumalanga en Noordwes versprei, maar is ook in al die ander provinsies beskikbaar. In KwaZulu-Natal word die koerant gedruk en versprei deur The Natal Witness, 'n volfiliaal van Media24, wie se vernaamste koerante The Witness en Ilanga is.

Daily Sun is gemik op lesers in en om Suid-Afrika se groot stedelike gebiede. Hierdie lesers is oorwegend swart, geletterd in Engels met min opvoeding op hoërskoolvlak, en is werkers die ekonomiese kern van Suid-Afrika.

Sien ook

• Lys van Suid-Afrikaanse dagblaaie

Bronne

• Statistiek rakende Daily Sun Geargiveer 30 Oktober 2008 op Wayback Machine
• Media24 oor Daily Sun^{[dooie skakel]}

Eksterne bronne

• Amptelike webwerf, nog nie aktief op 22 September 2008