Daniël Krige
Daniël Gerhardus Krige was 'n Suid-Afrikaanse ingenieur en professor. Hy het op vyftienjarige ouderdom gematrikuleer aan die Hoërskool Monument te Krugersdorp. Nadat hy gekwalifiseer het as 'n ingenieur doen hy baanbrekerswerk op die gebied van toepassing van wiskundige statistiek op die waardasie van goudmyne. Dit het gelei tot die ontwikkeling van die wetenskap en konsepte oor die waardasie van mineraalreserwes bekend as geostatisstiek. Dié werk het internasionaal belangstelling gaande gemaak. Dié metodes staan vandag bekend as kriging.
| Daniël Gerhardus Krige | |
| Gebore | 26 Augustus 1919 Bothaville, Unie van Suid-Afrika |
|---|---|
| Oorlede | 3 Maart 2013 (op 93) Johannesburg, Suid-Afrika |
| Nasionaliteit |  Suid-Afrika
|
| Vakgebied | geostatistiek |
| Instelling(s) | Anglo Transvaal, Universiteit van die Witwatersrand |
| Alma mater | Universiteit van die Witwatersrand |
| Bekend vir | kriging |
| Toekennings | Orde van die Kremetart (2012) |
Prof. Krige het op 27 April 2012 die Orde van die Kremetart (silwer) ontvang van President Jacob Zuma. Hy het reeds vier eredoktorsgrade ontvang van:
- Universiteit van die Witwatersrand
- Universiteit van Pretoria
- UNISA
- Moskouse Mynuniversiteit.
Hy is ook die eerste en enigste ingenieur uit Afrika wat toegelaat is tot die gesaghebbende United States National Academy of Engineering, op die rype ouderdom van 92.
Bron
wysig- Beeld: Ingenieur (92) se naam lei tot term. 28 April 2012.