Deutsche Volkspolizei

Die Deutsche Volkspolizei (DVP), meestal kort Volkspolizei (VP) genoem, was die polisiediens in die Duitse Demokratiese Republiek.

Kenteken van die Deutsche Volkspolizei

'n Russies-vervaardigde Wolga GAZ 24-polisiekar

Lêer:Stamps of Germany (DDR) 1970, MiNr 1580.jpg

25 jaar Deutsche Volkspolizei (posseël van die DDR)

Geskiedenis

Volkspolizei in Neustrelitz, op die Oos-Duitse Republiekdag (7 Oktober 1955)

In Junie 1945 is die Volkspolizei in die Sowjet-besettingsone van Duitsland in die lewe geroep en aanvanklik as polisiediens van die deelstate georganiseer. Nadat die deelstate ontbind en deur distrikte vervang is, is die polisiediens op nasionale basis herorganiseer.

Vanaf 1952 is die sogenaamde amp van Abschnittsbevollmächtigter (ABV) - 'n polisieman wat verantwoordelik vir 'n spesifieke buurt of Abschnitt was - volgens die Sowjet-voorbeeld in stede en ander nedersettings ingevoer. Belangstellende burgers het die geleentheid gekry om as Helfer der VP - vrywilligers - in die polisiediens saam te werk.

Die Volkspolizei is deur die DDR se Departement van Binnelandse Sake (Duits: Ministerium des Innern, kort MdI) bestuur wat sedert 1963 amptelik Chef der Deutschen Volkspolizei genoem is. Die polisiediens is verder onderverdeel in distrikskantore van die DVP in alle distrikshoofstede en VP-Kreisämter (VPKA) in die administratiewe setels van die subdistrikte (Kreise).

Vanaf die vroeë 1960's is 1 Julie amptelik as Tag der Volkspolizei ("Dag van die Volkspolizei") gevier.

Eksterne skakels

• Uniforms en uitrusting van Volkspolizei-liggame