Doksisiklien

chemiese verbinding

Star of life caution.svg

Vrywaring: Die mediese inligting verskaf op Wikipedia dien slegs as 'n riglyn en dra geen waarborg van feitelike korrektheid nie.
Enige vrae of klagtes oor u persoonlike gesondheid behoort na 'n dokter verwys te word.

Doksisiklien is 'n breëspektrum-antibiotikum wat in die groep tetrasikliene val. Dit word gebruik in die behandeling van infeksies wat deur bakterieë en sekere parasiete veroorsaak word.[1] Doksisiklien word gereeld gebruik vir die behandeling van bakteriële longontsteking, aknee, chlamydia-infeksies, Lyme-siekte, cholera, tifus en sifilis.[1] Dit word ook gebruik om malaria te voorkom, en in kombinasie met kinien, om malaria te behandel. Doksisiklien kan per mond of deur inspuiting in 'n aar geneem word.[1]

Doksisiklien

Algemene newe-effekte sluit in diarree, naarheid, braking en 'n verhoogde risiko vir sonbrand.[1] Gebruik na die eerste trimester van swangerskap of by jong kinders kan lei tot verkleuring van die tande.[1] Die gebruik daarvan tydens borsvoeding is waarskynlik veilig.[1] Soos ander agente van die tetrasiklienklas, vertraag doksisiklien bakteriese voortplanting of dood dit deur proteïenproduksie te inhibeer.[1][2] Dit maak malaria dood deur die apikoplast, 'n plastiede organel, aan te val.[3][4]

Doksisiklien is in 1957 gepatenteer en het in 1967 in kommersiële gebruik gekom.[5][6] Dit is op die lys van noodsaaklike medisyne van die Wêreldgesondheidsorganisasie.[7] Verskeie handelsmerke is in die mark beskikbaar, aangesien die oorspronklike patentreg reeds 'n geruime tyd verval het en dit ook as generiese medisyne beskikbaar is.[1][8]

VerwysingsWysig

  1. 1,0 1,1 1,2 1,3 1,4 1,5 1,6 1,7 "Doxycycline calcium" (in Engels). The American Society of Health-System Pharmacists. Geargiveer vanaf die oorspronklike op 23 September 2015. Besoek op 10 Februarie 2021.
  2. Nelson, ML; Levy, SB (Desember 2011). "The history of the tetracyclines". Annals of the New York Academy of Sciences (in Engels). 1241 (1): 17–32. Bibcode:2011NYASA1241...17N. doi:10.1111/j.1749-6632.2011.06354.x. PMID 22191524. S2CID 34647314.
  3. McFadden, GI (Maart 2014). "Apicoplast". Curr. Biol. (in Engels). 24 (7): R262–3. doi:10.1016/j.cub.2014.01.024. PMID 24698369.
  4. Schlagenhauf-Lawlor, Patricia (2008). Travelers' Malaria (in Engels). PMPH-USA. p. 148. ISBN 9781550093360.
  5. Fischer, Janos; Ganellin, C. Robin (2006). Analogue-based Drug Discovery (in Engels). John Wiley & Sons. p. 489. ISBN 9783527607495.
  6. Corey, E.J. (2013). Drug discovery practices, processes, and perspectives (in Engels). Hoboken, N.J.: John Wiley & Sons. p. 406. ISBN 9781118354469.
  7. World Health Organization (2019). World Health Organization model list of essential medicines: 21st list 2019 (in Engels). Geneva: WHO. hdl:10665/325771. WHO/MVP/EMP/IAU/2019.06. License: CC BY-NC-SA 3.0 IGO.
  8. Hamilton, Richard J. (2011). Tarascon pharmacopoeia (in Engels) (12de uitg.). Sudbury, MA: Jones & Bartlett Learning. p. 79. ISBN 9781449600679.