Durban Botaniese Tuin
Die Durban Botaniese Tuin is die oudste nog bestaande botaniese tuin in Afrika en is bekend om sy inheemse en eksotiese plante wat tuishoort in 'n subtropiese klimaat.
Geskiedenis wysig
Die tuin van 15 ha op die oostelike helling van die Berearif is in 1849 gestig. Die doel was om Kew Gardens te help met navorsing oor en die versamel van tropiese plante van ekonomiese nut, soos byvoorbeeld suikerriet, tee, koffie en pynappels. Tussen 1882 en 1913 was John Medley Wood die kurator en in sy tyd het die tuin groot bekendheid verwerf.
Plante wysig
In die tuin is 'n omvangryke versameling broodbome afkomstig uit Suid-Afrika en andere wêrelddele. Die Wood-broodboom (Encephalaratos woodii) is een van die seldsaamste plante in die wêreld. Kurator Wood was 'n begeesterde versamelaar van varings en het verskeie artikels daaroor geskryf. Die eerste bromelias is in 1885 in die tuin aangeplant. Die versameling orgideë is in 1931 begin en bestaan tans uit 'n 9 000 plante. In die tuin staan 917 palmbome wat 130 spesies verteenwoordig. Verder staan daar 1 354 ander bome van oral oor die wêreld heen. Van hierdie bome is meer as 80 ouer as 'n 100 jaar. Ook is die versameling cannas besonder.
Tuinbouskool wysig
In samewerking met een van die plaaslike universiteite word studente in die tuin opgelei tot 'n diploma in tuinboukunde.
Biblioteek wysig
Die William Poulton-biblioteek is in 1990 gestig en spesialiseer in boeke oor tuine.
Herbarium wysig
Kurator Wood het ook 'n herbarium nagelaat wat nou uit 'n 100 000 eksemplare, hoofsaaklik afkomstig uit KwaZulu-Natal, bestaan.
Bibliografie wysig
| Wikimedia Commons bevat media in verband met Durban Botanic Gardens. |
- www.durbanbotanicgardens.co.za