Egoli: Afrikaners is plesierig
Egoli: Afrikaners is plesierig is 'n oorwegend Afrikaanse vollengte rolprent met Engelse onderskrifte wat op 16 Junie 2010 in teaters in Suid-Afrika begin draai het. Die rolprent is vervaardig nadat die laaste Egoli TV-sepie op 31 Maart 2010 uitgesaai is.[1] Die rolprent het 'n ouderdomsperk van 13GT (geweld, taal). Die skrywer en vervaardiger is Franz Marx, die regisseur is Bromley Cawood en die hoofrolle word deur David Rees en Darren Kelfkens vertolk.
| Egoli: Afrikaners is plesierig | |
|---|---|
| Regisseur | Bromley Cawood |
| Draaiboek | Franz Marx |
| Met | David Rees Darren Kelfkens |
| Verspreider | Nu Metro |
| Uitgereik | 2010 |
| Speeltyd | 103 minute |
| Land | Suid-Afrika |
| Taal | Afrikaans |
| Voorafgegaan deur | Egoli: Plek van Goud |
Marx was gekant teen die vertoon van Engelse subtitels omdat hy glo dat dit meer steurend op die grootskerm as op televisie is. Nu Metro het egter aangedring dat subtitels vir Engelse kykers aangebring word omdat die rolprent meer Afrikaans as die TV-reeks bevat.[2]
Genre wysig
Die rolprent is 'n drama.
Rolspelers wysig
- David Rees as Niek Naudé
- Darren Kelfkens as Joe
- Tiffany Kelly as Sonet
- Michelle Beling as Candy
- Shaleen Surtie-Richards as Nenna
- Christine Basson as Nora
- Brümilda van Rensburg as Louwna
- Casper de Vries as Pa Duif
- Lerato Motau as TJ
- Christina Storm as Bienkie
- Kaz McFadden as Nenna se kleinseun
Storielyn wysig
Niek en Joe doen saam diens op die grens. Na 'n hinderlaag vind 'n skietongeluk plaas wat die twee se lewens later beïnvloed. Sake soos kinderhandel, prostitusie, swart ekonomiese bemagtiging en emigrasie word in die rolprent aangespreek en oefen 'n invloed op die karakters uit. Die rolprent eindig met 'n skietvoorval op 'n wolkekrabber in Johannesburg, waarna die twee vrede met hulle verlede maak.
Sien ook wysig
Verwysings wysig
- ↑ Nog nie die laaste sien van Egoli nie! Geargiveer 13 Junie 2010 op Wayback Machine, Huisgenoot, URL besoek op 9 Mei 2010.
- ↑ KKNK: Egoli vat 'n hit vir Afrikaans[dooie skakel], besoek op 20 Junie 2010.
Sien ook wysig
- Egoli: Plek van Goud, TV-sepie.