Elkarien Fourie
Elkarien Fourie (30 April 1953 - ) is 'n vryskutjoernalis en skrywer wat byna nege jaar saam met haar man in China gewoon en gewerk het.[1] Sy is die skrywer van die reisjoernaal Vat jou hele Hart - Kom saam na die Middelkoninkryk,[2] welke haar tweede boek is. Sy het ook 'n jeugroman getiteld Dans op die Rand van 'n Krans geskryf. Die Fouries het ook in Harare, Londen New York en Wene gewoon, en bly nou naby Franschhoek.
Kerneels Breytenbach skryf as volg oor haar nuutste boek: "Wat 'n heerlike kennismaking met China! Elkarien Fourie se joernaal is 'n waardevolle tydsdokument wat my 'n week lank geboei het en teen die einde daarvan gelaat het met die gevoel dat ek nou meer begrip het vir hierdie antieke beskawing en sy moderne mutasie. Ek is verstom deur die dinge wat sy hier openbaar, want ek is een van daardie tipiese lesers met 'n stereotipe beeld van China. Daar is deurentyd 'n verteller aan die woord met 'n jonkheid van gees, 'n avontuurlus en nuuskierigheid wat 'n mens met 'n jong reisiger assosieer, maar terselfdertyd is die lewenswysheid ook merkbaar van iemand met baie meer deurleefde jare op haar kerfstok."[3]
Publikasies wysig
- Dans op die Rand van 'n Krans (jeugroman)
- Vat jou hele Hart - Kom saam na die Middelkoninkryk ISBN 978-0-928316-46-9 (reisjoernaal)
Verwysings wysig
- ↑ https://storiewerf.co.za/2019/07/06/elkarien-fourie/
- ↑ Eerste uitgawe 2017, Naledi Uitgewers
- ↑ Inligting bekom van die omslag van die boek.