Embraer

Embraer, die Empresa Brasileira de Aeronáutica S.A., is 'n Brasiliaanse vliegtuigvervaardiger. Embraer vervaardig kommersiële, militêre en luukse stralers vir sakeondernemings. In die tydperk tussen 1999 en 2001 was Embraer die grootste uitvoerder in Brasilië en is tans nog steeds een van die drie belangrikste vervaardigers van uitvoergoedere. Na Boeing en Airbus verkoop Embraer die derde meeste kommersiële vliegtuie en het ook die vierde grootste aantal werknemers na Boeing, Airbus en Bombardier.

Embraer S.A.
Tipe	Korporasie
Gestig	19 Augustus 1969 (1969-08-19)
Hoofkantoor	São José dos Campos, Brasilië
Sleutelpersone	Francisco Gomes Neto (voorsitter en hoof- uitvoerende beampte)
Gebied bedien	Europa, Asië, Noord-Amerika, Oseanië
Industrie	Lugrederye, verdediging
Produkte	Vliegtuie, vliegtuigkomponente, missiestelsels vir lug- en grondoperasie
Inkomste	$19,8 miljard (2017) (2013)
Netto inkomste	$2,74 miljard (2017)
Werknemers	19 116 (1 Sep 2014)
Divisies	Embraer Defense & Security Embraer Commercial Aviation Embraer Executive Jets
Dogter- maatskappye	Neiva OGMA, SAVIS Eve Air Mobility Atech, Bradar
Webwerf	embraer.com

'n Embraer E170 van Air Canada styg op vanaf Montréal–Trudeau Internasionale Lughawe.

Embraer is in 1969 deur die Brasiliaanse regering gestig en word tans deur institusionele beleggers beheer. Die maatskappy se hoofkwartier, sy belangrikste produksieaanleg en sy ingenieurs- en ontwerpkantore is in São José dos Campos geleë, 'n stad in die Brasiliaanse deelstaat São Paulo.

Embraer is ook 'n belangrike vervaardiger van onderdele en doen toetsvlugte in een van sy produksieaanlegte in Gavião Peixoto (deelstaat São Paulo). Hierdie fabriek beskik ook oor 'n aanloopbaan met 'n lengte van 5 000 meter (16 400 voet).

Eksterne skakels

• Die amptelike webwerf van Embraer