Evelyn Ntoko Mase (1922 – 30 April 2004), later bekend as Evelyn Rakeepile, was 'n Suid-Afrikaanse verpleegster. Sy was die eerste vrou van anti-apartheidaktivis en latere president Nelson Mandela. Hulle was van 1944 tot 1958 getroud.

Evelyn Mase by die troue van Walter en Albertina Sisulu in 1944.

Mase is in Engcobo, Transkei gebore. Mase is as kind wees gelaat. Sy het na Johannesburg verhuis om as verpleegster opleiding te ontvang, en daar ontmoet sy en trou met Mandela. Hulle leef saam in Soweto, waar hulle vier kinders grootgemaak het. Drie van wie — nThembekile, Makgatho, en Makaziwe — tot volwassenheid oorleef. Sy is opgelei as vroedvrou terwyl sy as verpleegster gewerk het. In die 1950s, het haar verhouding met Mandela gespanne geraak. Hy raak toenemend betrokke by die African National Congress en sy stryd teen apartheid; Mase het uit die politiek onttrek en 'n volger van Jehovah se Getuies geword. Sy beskuldig hom ook van owerspel met verskeie vroue, 'n beskuldiging onderskryf deur latere biografieë, en dat hy fisies beledigend was, iets wat hy altyd ontken het. Hulle skei in 1956. Sy het aanvanklik om 'n egskeiding aansoek gedoen, maar nie die regsgeding deurgemaak nie. In 1958 het Mandela, wat beplan het om met Winnie Madikizela te trou, 'n onbetwiste egskeiding van Mase verkry.

Mase neem die kinders en trek na Cofimvaba waar sy 'n kruidenierswinkel open. Sy het gewoonlik publisiteit vermy, maar het met Suid-Afrikaanse verslaggewers gepraat toe Mandela in 1990 ná 27 jaar uit die tronk vrygelaat is. Om haar betrokkenheid by die Jehovah se Getuies te verdiep, trou sy met 'n sakeman, Simon Rakeepile, in 1998. Sy sterf in 2004 na 'n asemhalingsiekte. Haar begrafnis trek internasionale media-aandag en is bygewoon deur Mandela, Winnie Madikizela-Mandela, en Mandela se derde vrou, Graça Machel.