Farah Pahlavi
Farah Pahlavi of Farah Pahlevi (Persies: فرح پهلوی, gebore Farah Diba (فرح دیبا) op 14 Oktober 1938 in Teheran) is die weduwee van die laaste sjah van Iran, Mohammed Reza Pahlavi. Sy was van 1959 tot 1979 die sjahbanoe (koningingemalin) van Iran.
| Farah Pahlavi | |
|---|---|
| Koningingemalin van Iran | |
 Amptelike portret in 1973.
| |
| Gade | Sjah Mohammad Reza Pahlavi |
| Huwelik | 21 Desember 1959 - 11 Februarie 1979 |
| Vader | Sohrab Diba |
| Moeder | Farideh Ghotbi |
| Gebore | 14 Oktober 1938 Teheran, Iran[1] |
| Huis | Pahlavi-dinastie (deur huwelik) |
| Kinders |
|
| Handtekening | 
|
Diba is in 'n gesiene familie gebore wie se rykdom afgeneem het ná haar pa se vroeë dood. Sy is by die Irannese ambassade aan die sjah voorgestel terwyl sy argitektuur in Parys, Frankryk, studeer het. Hulle is in Desember 1959 getroud. Geen manlike erfgenaam is uit die sjah se twee vorige huwelike gebore nie en daar was groot vreugde met die geboorte van kroonprins Reza in Oktober die volgende jaar. Diba kon toe ander belange nastreef, maar sy is nie toegelaat om 'n politieke rol te speel nie. Sy het vir baie welsynorganisasies gewerk en Iran se eerste universiteit in 'n Amerikaanse styl gestig, wat meer vroue in staat gestel het om te studeer. Sy het ook gehelp met die terugkoop van Irannese oudhede van oorsese museums.
Teen 1978 was daar groot teenkanting teen die imperialistiese bewind in Iran wat aangevuur is deur kommunisme, sosialisme en Islamisme, en daar was tekens van 'n dreigende rewolusie. Die sjah en sy vrou moes die land in Januarie 1979 verlaat onder die dreigement van 'n doodsvonnis. Die meeste lande was teensinnig om asiel aan hulle te gee, maar Anwar Sadat se Egipte was 'n uitsondering. Omdat teregstelling die siek sjah in die gesig gestaar het as hy sou terugkeer, is hy in Julie 1980 in bannelingskap in Egipte dood. Diba het haar welsynwerk voortgesit en haar tyd verdeel tussen Washington, D.C. in Amerika, and Parys, Frankryk.
Verwysings
wysig- ↑ Afkhami, Gholam Reza (12 Januarie 2009). The life and times of the Shah. ISBN 9780520942165.
Skakels
wysig
Wikimedia Commons het meer media in die kategorie Farah Pahlavi.
Hierdie artikel is in sy geheel of gedeeltelik uit die Engelse Wikipedia vertaal.
