Ford Bantam
Die Ford Bantam is 'n bakkie ('n ligte afleweringswa) wat deur die Ford Motormaatskappy in Suid-Afrika gebou is. Dit het oor drie verskillende modelgeslagte gestrek en is in Suid-Afrika ontwikkel en geproduseer vir die plaaslike mark.
Geskiedenis wysig
Die oorspronklike Ford Bantam is in 1983 bekendgestel en was gebaseer op die Ford Escort Mk III. Dit is vervaardig in die Ford-aanleg in Port Elizabeth en later in die Samcor-aanleg te Pretoria, nadat Ford onttrek het uit Suid-Afrika. Dit is vervang deur die tweede geslag Ford Bantam, met 'n Mazda 323 sesde geslag-gebaseerde Ford Laser voorkant, en was ook bemark as 'n "Mazda Rustler". Die tweede geslag het 'n 1.6-liter inlynviersilinderenjin gehad.
Die derde geslag Ford Bantam is in 2002 geloods, met die Ford Fiesta Mk V (kodenaam BE91) se voorkant, maar nog steeds met die oorspronklike Bantamlaaibak en basiese agtervering. Dit is vervaardig in dieselfde aanleg in Pretoria (toe weer deel van Ford). Enjinkeuses was 'n 1.3 liter-8-klep, 'n 1.6 liter-8-klep RoCam petrol en 'n 1.8 liter-Idi gewoongeaspireerde dieselenjin. Die derde geslag deel net die voorkant met die soortgelyke Brasiliaanse ontwikkelde Ford Courier, met 'n totaal verskillende agterstel. In 2006 het dit voordeel getrek uit 'n ligte voorkant- en binne-herontwerp. Die 1.8 liter-Idi dieselenjin is toe weggelaat uit die reeks. In die vroeë 2009, was die Bantam weer opgekikker met 'n nuwe enjinkap, hoofligte, stamper, agterligte, nomenklatuur, instrumentgroep en binne-afwerking 'n Moderne dieselenjin is ook aan die reeks bekendgestel, die 1.4-liter DV4 (of DLD) enjin.
Die Bantam is suksesvol verkoop as 'n kompakte, geharde kommersiële voertuig, sowel as 'n vry-georiënteerde privaatvoertuig. Ford het die Bantam in 2011 gestaak[1] met geen onmiddellike plaasvervanger nie.[2] Die laaste Bantam wat ooit gebou is, het die produksielyn om 11:50 op 17 November 2011, by die Ford-aanleg in Suid-Afrika verlaat. Dit was 'n Bantam 1.3I XL A/C "Colorado Red", Job nommer RRB07972. Dit staan nou in die Lazarus Fordmotorhandelaar se museum in Centurion, Gauteng, net suid van Pretoria.
Verwysings wysig