Ford Ranger
Die Ford Ranger is 'n voertuignaam wat reeds vir drie verskillende modelreekse van bakkies gebruik is deur die Ford Motormaatskappy. Oorspronklik was die naam deur die kortstondige Edsel Ranger gebruik, en later het dit verwys na 'n spesifieke stileringsweergawe van die Ford F-reeks wat in Noord-Amerika verkoop is tussen modeljare 1965 en 1981.
 | |
| Oorsig | |
|---|---|
| Vervaardiger | Ford Motormaatskappy |
| Produksie | 2011–huidig |
| Montering |  Thailand: Rayong (AutoAlliance Thailand) Suid-Afrika: Silverton, Pretoria Argentinië: Buenos Aires (Ford Argentinië) |
| Bakwerk en onderstel | |
| Klas | medium-grootte bakkie |
| Bakstyl | 2-deur enkelkajuit 2-deur verlengde kajuit 4-deur dubbelkajuit |
| Uitleg | Voorenjin, agterwieldryf voorenjin, vierwieldryf |
| Spesifikasies | |
| Enjin(s) | 2.5 L Ford Duratec 2.5 inlynviersilinder (petrol) 2.2 L Duratorq (diesel) 3.2 L Duratorq inlynvyfsilinder (diesel) |
| Ratkas | 5- of 6-gang handrat 6-gang outomaties |
| Lengte | 5359 mm |
| Breedte | 1849 mm |
| Hoogte | 1815 mm |
| Massa | 1866-1968 kg [1] |
| Asafstand | 3226 mm |
| Plek in geskiedenis | |
| Voorganger | Vorige Ford Ranger Mazda BT-50 |
| Variante | Mazda BT-50 JMC Yuhu |
Ford het die naam Ranger herontdek in 1982 vir die 1983-modeljaar van 'n kompakte bakkie vir Noord-Amerika en later dele van Suid-Amerika. Sedert 1998 het Ford begin om 'n aparte Rangermodel internasionaal te bemark. Ford het die Amerikaanse weergawe van die Ranger ontwerp en ontwikkel, en vervaardiging het in Januarie 1982 begin vir die 1983-model, totdat produksie beëindig is in Desember 2011.
Ford het sy Noord-Amerikaanse model van 1995 uitgevoer na Latyns- en Suid-Amerikaanse lande, maar soos die vraag toegeneem het, is dit later vervaardiging in sy aanleg in Argentinië. Gedurende die 1994 tot 2010 modeljare, het Mazda ook sy kenteken op hierdie model geplaas as die Noord-Amerikaanse "B-reeks". Dit was ter vervanging van die "internasionale" weergawe van die Mazda B-reeks, wat voorheen ook in Noord-Amerika verkoop is.
Gedurende sy 29-jaar produksielopie het die Ranger verskeie opgraderings ondergaan: veral die 1989-modelopkikkering, die bekendstelling van die tweedegeslagmodel vir 1993, 'n 1998 modeljaar opkikkering van dieselfde bakkie, en verskeie kleiner tweede geslag kosmetiese veranderinge in die 2001, 2004, en 2006 modeljaar. Die Latyns-en Suid-Amerikaanse weergawes is vir die 2010 model met 'n heelnuwe plaatmetaal buite bedek, terwyl die bestaande bakstruktuur behou is.
Op 22 Desember 2011 het die laaste VSA-geboude Ranger van die St Paul, Minnesota monteerlyn afgerol.
Verwysings wysig
- ↑ "All-new Ranger specifications". ford.co.id. Geargiveer vanaf die oorspronklike op 6 Januarie 2015. Besoek op 14 Januarie 2015.
Eksterne skakels wysig
Wikimedia Commons het meer media in die kategorie Ford Ranger.
| Hierdie artikel is in sy geheel of gedeeltelik vanuit die Engelse Wikipedia vertaal. |
