Francis Ford Coppola

Francis Ford Coppola (IFA: ˈkoʊpələ; gebore op 7 April 1939) is ’n Amerikaanse rolprentregisseur, vervaardiger en draaiboekskrywer. Hy was deel van die "New Hollywood"-vlaag van rolprentvervaardiging. Sy films sluit in die Oscar-bekroonde The Godfather (1972) en Apocalypse Now (1979).[1]

Francis Ford Coppola
'n Beeld van die betrokke persoonlikheid.
Coppola in 2001 by die Cannes-rolprentfees.

Geboorte 7 April 1939 (1939-04-07) (84 jaar oud)
Aktiewe jare 1962-tans

Loopbaan wysig

Nadat Coppola The Rain People in 1969 geregisseer het, het hy in 1970 die Oscar vir beste oorspronklike draaiboek saam met Edmund H. North gewen vir Patton. Sy reputasie as regisseur is in 1972 bevestig met die uitreiking van The Godfather, ’n fliek wat rolprentvervaardiging in die gangster-genre gerewolusionaliseer het.[2] Hy het lof van resensente en die publiek gekry voordat hy drie Oscars gewen het, insluitende sy tweede een (vir beste verwerkte draaiboek saam met Mario Puzo) en een vir beste prent, asook sy eerste Oscar-benoeming vir beste regisseur.

The Godfather Part II was in 1974 die eerste opvolgprent wat die Oscar vir beste prent gewen het. Dit is hoog deur resensente aangeskryf en het hom nog drie Oscars in die sak gebring: vir beste verwerkte draaiboek, beste regisseur en beste prent. Hy is die eerste regisseur naas Billy Wilder wat drie Oscars vir dieselfde prent gewen het. The Conversation, wat hy geskryf, geregisseer en vervaardig het, is in dieselfde jaar uitgereik en het die Palme d'Or op die Cannes-rolprentfees gewen. Sy volgende prent was 1979 se Apocalypse Now. Die prent is geloof vir sy lewendige en donker uitbeelding van die Viëtnamoorlog, en het in 1979 die Palme d'Or gewen. In 1990 was hy die regisseur van The Godfather Part III. Coppola is een van net agt rolprentmakers wat die Palme d'Or twee keer gewen het.

Hoewel van sy prente in die 1980's en 1990's geloof is, het hulle nie weer die sukses van dié van die 1970's behaal nie.[3][4][5] Sy bekendste flieks sedert die 1980's sluit in die dramas The Outsiders en Rumble Fish (albei 1983), die misdaaddrama The Cotton Club (1984) en die gruprent Bram Stoker's Dracula (1992).

Filmografie wysig

As regisseur wysig

  • Nebo zovyot ( Battle Beyond the Sun, 1960)
  • The Bellboy and the Playgirls (1962)
  • Tonight for Sure (1962)
  • Dementia 13 (1963)
  • You're a Big Boy Now (1966)
  • Finian's Rainbow (1968)
  • The Rain People (1969)
  • The Godfather (1972)
  • The Conversation (1974)
  • The Godfather: Part II (1974)
  • Apocalypse Now (1979)
  • One from the Heart (1982)
  • The Outsiders (1983)
  • Rumble Fish (1983)
  • The Cotton Club (1984)
  • Captain EO (1986)
  • Peggy Sue Got Married (1986)
  • Gardens of Stone (1987)
  • Tucker: The Man and His Dream (1988)
  • New York Stories (segment "Life without Zoe", 1989)
  • The Godfather: Part III (1990)
  • Bram Stoker's Dracula (1992)
  • Jack (1996)
  • The Rainmaker (1997)
  • Youth Without Youth (2007)
  • Tetro (2009)
  • Twixt (2011)
  • Distant Vision (2015)

As rolboekskrywer (seleksie) wysig

  • Paris brûle-t-il? (1966)
  • Patton (1970)
  • The Godfather (1972)
  • The Great Gatsby (1974)
  • The Conversation (1974)
  • The Godfather: Part II (1974)
  • Apocalypse Now (1979)
  • Rumble Fish (1983)
  • The Godfather: Part III (1990)
  • The Rainmaker (1997)
  • Youth Without Youth (2007)
  • Tetro (2009)
  • Twixt (2011)
  • Distant Vision (2015)

As vervaardiger (seleksie) wysig

  • THX 1138 (uitvoerende vervaardiger, 1971)
  • American Graffiti (1973)
  • The Conversation (1974)
  • The Godfather: Part II (1974)
  • Apocalypse Now (1979)
  • The Black Stallion (uitvoerende vervaardiger, 1979)
  • Kagemusha (uitvoerende vervaardiger, 1980)
  • Koyaanisqatsi (uitvoerende vervaardiger, 1982)
  • Rumble Fish (uitvoerende vervaardiger, 1983)
  • The Godfather: Part III (1990)
  • Bram Stoker's Dracula (1992)
  • The Secret Garden (uitvoerende vervaardiger, 1993)
  • Frankenstein (1994)
  • Don Juan DeMarco (1995)
  • Jack (1996)
  • The Virgin Suicides (1999)
  • Sleepy Hollow (uitvoerende vervaardiger, 1999)
  • Jeepers Creepers (uitvoerende vervaardiger, 2001)
  • Jeepers Creepers 2 (uitvoerende vervaardiger, 2003)
  • Lost in Translation (uitvoerende vervaardiger, 2003)
  • Kinsey (uitvoerende vervaardiger, 2004)
  • Marie Antoinette (uitvoerende vervaardiger, 2006)
  • The Good Shepherd (uitvoerende vervaardiger, 2006)
  • Youth Without Youth (2007)
  • Tetro (2009)

Verwysings wysig

  1. HAT Taal-en-feitegids, Pearson, Desember 2013, ISBN 978-1-77578-243-8
  2. Barry, Langford (2005). Film Genre: Hollywood and Beyond. Edinburgh University Press. p. 134.
  3. "Francis Ford Coppola" (in Engels). Geargiveer vanaf die oorspronklike op 9 Oktober 2019. Besoek op 18 Oktober 2010.
  4. "Directors Hall of Fame, Class of 2010" (in Engels). Geargiveer vanaf die oorspronklike op 4 April 2019. Besoek op 18 Oktober 2010.

Eksterne skakels wysig