Friedrich Ernst Ludwig von Fischer

Friedrich Ernst Ludwig Fischer (20 Februarie 1782, Halberstadt - 17 Junie 1854) was 'n Russiese plantkundige wat in Duitsland gebore is. Hy was vanaf 1823 tot 1850 die direkteur van die St Petersburg botaniese tuin.

Friedrich Ernst Ludwig von Fischer (1782--1854)

Hy het in 1804 sy doktorsgraad aan die Universiteit van Halle behaal, en daarna as direkteur van graaf Razumoffsky se botaniese tuin in Gorenki (naby Moskou) gewerk. In 1808 het hy 'n katalogus van plante van die tuin gemaak. In 1823 is hy deur Alexander I as direkteur van die keiserlike botaniese tuin in St Petersburg aangestel. Hier was hy betrokke by die vestiging van 'n herbarium en biblioteek, asook by die beplanning van talle wetenskaplike ekspedisies na die binneland van Rusland. Gedurende sy laaste jare het hy as mediese raadslid vir die Ministerie van Binnelandse Sake gedien.

In 1815 is hy verkies tot 'n ooreenstemmende lid van die Royal Swedish Academy of Sciences. In 1841 is sy status verander na dié van buitelandse lid.

Gekose Werke

• Catalogue du Jardin des plantes de S.E. Monsieur le comte Alexis de Razoumoffsky ... à Gorenki près de Moscou, 1808-1812.
• Beitrag zur botanischen Systematik, die Existenz der Monocotyledoneen und dem Polycotyledoneen betreffend, 1812 - Contributions to plant systematics, the existence of Monocotyledon, etc.
• Enumeratio plantarum novarum a CI. Schrenk lectarum, 1841 (met Carl Anton von Meyer).
• Jardin de Saint-Pétersbourg, 1846. (Sertum Petropolitanum Seu Icones Et Descriptiones Plantarum Quæ in Horto Botanico ..., 1846 (with Carl Anton von Meyer).

Die standaard outeursafkorting Fisch. word gebruik om hierdie persoon as skrywer aan te dui wanneer 'n botaniese naam aangehaal word.

Sien ook

• Lys van botaniste volgens outeursafkorting
• Plantkunde