Friedrichsdorf
| Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Friedrichsdorf is 'n stad in die administratiewe distrik Hochtaunuskreis van die Duitse deelstaat Hesse, sowat 20 kilometer noord van Frankfurt am Main aan die voet van die Taunus-bergreeks, met 'n bevolking van 24 570 in vyf stadsdele - Friedrichsdorf, Seulberg, Burgholzhausen vor der Höhe, Dillingen en Köppern. Friedrichsdorf is tans die derde grootste nedersetting in die distrik na Bad Homburg vor der Höhe en Oberursel.
Friedrichsdorf | |
|---|---|
Stad | |
 Uitsig oor Friedrichsdorf se Hugenottenstraße | |
 Seël | |
 Ligging in die deelstaat Hesse | |
  Friedrichsdorf Ligging in Duitsland | |
| Koördinate: 50°15′N 08°39′O / 50.250°N 8.650°O | |
| Land |  Duitsland |
| Deelstaat | Hesse |
| Administratiewe streek | Darmstadt |
| Administratiewe distrik | Hochtaunuskreis |
| Regering | |
| • Burgemeester | Horst Burghardt (Grüne) |
| Oppervlak | |
| • Totaal | 30,16 km2 (11,64 vk. myl) |
| Hoogte | 200 m (700 ft) |
| Bevolking | |
| • Totaal | 24 684[1] |
| • Digtheid | 818,4/km2 (2 120/vk. myl) |
| Tydsone | UTC+1:00 (MET) |
| • Somertyd | UTC+2:00 (MEST) |
| Poskode | 61381 |
| Skakelkodes | 06172 (Friedrichsdorf, Dillingen, Seulberg), 06175 (Köppern), 06007 (Burgholzhausen) |
| Webwerf | www.friedrichsdorf.de |
Die vroegste spore van menslike gemeenskappe dateer terug na die pre-historiese tydperk, terwyl argeologiese vondse uit die Romeinse tyd 'n gedetailleerde insig in die antieke geskiedenis van die gebied verskaf. Die oudste verwysings na (Burg-)Holzhausen en Köppern kom in middeleeuse dokumente voor, Seulberg word selfs as die oudste nedersetting in die Hochtaunuskreis beskou.
Die kernstad Friedrichsdorf is in 1687 deur Franse Hugenotevlugtelinge gestig, net soos die plaaslike beskuitbedryf wat wêreldfaam geniet. Die stad word daarnaas met die geskiedenis van telekommunikasie verbind - Philipp Reis het hier omstreeks 1860 die eerste telefoon ontwikkel. Ander bekende boorlinge van Friedrichsdorf was Édouard Désor (1811-1882), 'n universele geleerde wat belangrike navorsing met betrekking tot geologie, paleontologie en pre-historiese geskiedenis gedoen het, en Marie Blanc (1833-1881), die dogter van 'n plaaslike skoenmaker wat in die ouderdom van vyftien kennis gemaak het met die kasinopagter François Blanc. Die twee het later getrou en die beroemde kasino van Monte Carlo in Monaco gestig.