Galasiërs

Die brief aan die Galasiërs is die 9de boek in die Nuwe Testament van die Bybel. Die brief is geskryf om die gemeente van Galasië te waarsku teen die optrede van sekere dwaalleraars wat van elders af ingedring het. Hierdie mense het die gesag van die apostel betwis en het verkondig dat die nie-Jode slegs ook gered kon word deur die wet van Moses te onderhou. Paulus reageer skerp deur daarop te wys dat hy sy apostelskap direk van Christus ontvang het en dat verlossing verkry word deur in Christus te glo, nie deur wetsonderhouding nie. Christus het die gelowige vrygemaak van die wet, en nou moet die vrug van die Heilige Gees in hulle lewe sigbaar word. Die inhoud van hierdie brief kom deels ooreen met dié van die brief aan die Romeine.

Ligging van die Romeinse provinsie Galasië

Bron

• Die Bybel: Nuwe vertaling (Bybelgenootskap van Suid-Afrika)

Eksterne skakels

• Wikiwoordeboek het 'n inskrywing vir Galasiërs.