Galleria dell'Accademia in Florence
| Galleria dell'Accademia di Firenze | |
| |
| Openingsjaar | 1784 |
|---|---|
| Tipe museum | Kunsmuseum |
Die Galleria dell'Accademia di Firenze, oftewel in Afrikaans die Galery van die Akademie van Florence, is 'n kunsmuseum wat in Florence, Italië geleë is. Dit is veral bekend as die tuiste van Michelangelo se beeldhouwerk Dawid.
Dit bevat ook ander beeldhouwerke van Michelangelo en 'n groot versameling skilderye van Florentynse kunstenaars uit die tydperk 1300 tot 1600, dit wil sê vanaf die Trecento (Die begrip Trecento (Italiaanse uitspraak: treˈtʃɛnto; kort vir die Italiaanse begrip milletrecento (1300) ) verwys na die 14de eeu in Italiaanse kulturele geskiedenis).[1] tot die laat-Renaissance.
Dit is kleiner en meer gespesialiseerd as die Uffizi, die belangrikste kunsmuseum in Florence. Dit is aangrensend tot die Accademia di Belle Arti di Firenze, oftewel in Afrikaans die Akademie vir beeldende kunste van Florence geleë; behalwe vir die naam het dit geen ander verbintenis daarmee nie.
In 2016 het altesaam 1, 461,185 besoekers dit besoek, wat dit die tweede mees gesogte kunsmuseum in Italië maak na die Uffizi (met 2, 02 miljoen besoekers).[2]
Geskiedenis wysig
Die Galleria dell'Accademia is in 1784 gestig deur Pietro Leopoldo, Groothertog van Toskane. In 2001 is die Museo degli strumenti musicali versameling geopen. Dit bevat musiekinstrumente wat deur Stradivarius, Niccolò Amati en Bartolomeo Cristofori gemaak is.
Werke wysig
Die Galleria dell'Accademia huisves sedert 1873 die oorspronklike David deur Michelangelo. [3] Die beeldhouwerk is na bewering na die Accademia gebring om die behoud daarvan, alhoewel ander faktore betrokke was by die verhuising daarvan vanaf die vorige buitenshuise ligging by die Piazza della Signoria. Die oorspronklike bedoeling was om 'n 'Michelangelo-museum' te skep met oorspronklike beelde en tekeninge, ten einde die vierhonderdste herdenking van die geboorte van die kunstenaar te vier. Teenswoordig sluit die galery se klein versameling van Michelangelo se werke sy vier onvoltooide Prisoniers in, wat bedoel was vir die graf van Pous Julius II, asook 'n standbeeld van Matteus, ook onvoltooid. In 1939 is 'n Pietà bygevoeg wat in die Barberini-kapel in Palestrina ontdek is, hoewel kundiges die toeskrywing daarvan aan Michelangelo as twyfelagtig beskou.
Die David in die Accademia is die oorspronklike. 'n Replika word in die Piazza della Signoria gehuisves.
Ander werke wat ook daar besigtig kan word is Florentynse skilderye uit die 13de en 16de eeue, waaronder werke van Paolo Uccello, Domenico Ghirlandaio, Sandro Botticelli en Andrea del Sarto; en uit die Hoë Renaissance, Giambologna se oorspronklike volgrootte pleistermodello vir die Verkragting van die Sabinevroue. Sowel as 'n aantal Florentynse Gotiese skilderye, bevat die galery 'n versameling Russiese ikone wat deur die groot hertogte van die huis van Lorraine versamel is, en waarvan Leopoldo een was.
Da Vinci se Vitruviaanse Man word ook in die Accademia gehuisves, maar word selde vertoon omdat die werk, wat op papier geteken is, broos en ligsensitief is. In 2019 het die Louvre-museum in Parys die tekening op lening aangevra vir sy uitstalling van Da Vinci-werke. Die versoek is deur 'n kulturele erfenis-groep geweier. 'n Hof in Venesië het egter beslis dat die werk nie skade sal opdoen indien dit met groot omsigtigheid vervoer sou word en onder gekontroleerde omstandighede vertoon sou word nie.[4] Die werk was derhalwe deel gewees van die Louvre se uitstalling wat vanaf 24 Oktober 2019 tot 24 Februarie 2020 gehou is.[4]
Verwysings wysig
- ↑ Il Trecento (in Italiaans)
- ↑ "Official Italian visitor figures, 2016" (PDF). Geargiveer vanaf die oorspronklike (PDF) op 10 Januarie 2017. Besoek op 3 Desember 2019.
- ↑ Accademia Gallery Polo Museale Fiorentino: Soprintendenza Speciale per il Patrimonio Storico, Artistico ed Etnoantropologico e per il Polo Museale della città di Firenze. Accessed June 2013.
- ↑ 4,0 4,1 "Leonardo's 'Vitruvian Man' Is Headed to the Louvre Despite Italian Scholars' Protests" (in Engels). Smithsonian. 21 Oktober 2019. Geargiveer vanaf die oorspronklike op 19 April 2020. Besoek op 2 Desember 2019.