Gebruikerbespreking:Aliwal2012/argief2016

Ander lughawename

Ek het Saterdag vir my die Die Suid-Afrikaanse leerlinggids (1981) in ons bib. vir R2,00 aangeskaf. Dit kan jy amper sê is die voorganger van Pharos se Feitegids, want dit het alles wat bondig is waarna ek soek. So is die lughawename op bl. 13-14, wat ek nagegaan het in die artikels [as oorspronklike naam]:

• Jan Smuts: Johannesburg O.R. Tambo Internasionale Lughawe (vermeld)
• D.F. Malan: Kaapstad Kaapstad Internasionale Lughawe (vermeld)
• Louis Botha: Durban [ou lughawe] / Koning Shaka Internasionale Lughawe [nuwe lughawe] (nie dieselfde plek nie)
• Ben Schoeman: Port Elizabeth-lughawe [KONFLIK: sien onder]
• J.B.M. Hertzog: Bloemfontein Internasionale Lughawe (vermeld)
• H.F. Verwoerd: Oos-Londenlughawe [KONFLIK:sien bo]
• B.J. Vorster: Kimberley-lughawe (nie vermeld nie)
• Pierre van Ryneveld: Upington (vermeld)
• J.G. Strijdom: Hosea Kutako Internasionale Lughawe (vermeld)
• P.W. Botha: George (vermeld)
• J.G.H. van der Wath: Keetmanshoop (nie vermeld nie)

Suidpunt (kontak) 18:51, 31 Januarie 2016 (UTC)

Mag ek maar 'n vraag vra?

Waar het dok Setswana geleer? Ek verwys na Dipapiso en sommer die hele Tswana Wikipedia se onlangse wysigings. Uit die woordeboeklys is ek juis verbaas, juis omrede hierdie taal verdwerg is teen die groter Zoeloe, Xhosa en Noord-Sotho, maar tog die nasionale taal van Botswana is, maar terselfdertyd verheug, want nou storm daar 'n hele paar goed in my kop op:

1. Hoe leer mens Afrikatale in die eerste plek? Leer mens die woordeskat, met die voor- en agtervoegsels wat wissel, of leer mens frases op 'n slag? Waar kry 'n mens leesstof in die hande? Het dok miskien die taal reeds van kleintyd af geken?
2. Hoe presies werk die Dipapiso? Dit lyk amper soos ons vergelykings - hoewel ek toegee dat elke taal sy eie ingewikkelde grammatika het.
3. Weet jy wat hier staan by Sedirisiwa ebong Makoro? Ek dink hier is heelwat inligting wat ook in Afrikaans opgeneem kan word, mits dit natuurlik nuttig is.
4. Is dit so dat Afrikaans Tswana baie beïnvloed het?

Ek vra ook plegtig om verskoning vir my gedrag van vroeër - ek behoort van beter te weet, te midde van die ontgogeling van elke liewe verrotte instansie / struktuur / organisasie / politieke party / onderneming / kerk / menseverhoudings / (dwaal)leer / lewensuitkyk [buiten Wikipedia] wat ek tans teëkom, wat nie op wetenskaplike rasionaliteit gegrond is nie. Dit maak my ontstoke, juis omrede die skape mislei word (en te dom is om dit raak te sien of, indien wel, hardop uit te spreek). Ek sal darem nie so ver gaan soos Luther om die duiwel met 'n inkpot te gooi nie. Dit sal wel nog 'n tydjie neem om te verwerk. Suidpunt (kontak) 10:27, 12 Februarie 2016 (UTC)

Dagsê Suidpunt, ek antwoord graag jou vrae:

Ek was op Hoërskool Menlopark in Pretoria in 1972-1976, waar ek Noord-Sotho as 'n keusevak in standerd 6 en 7 geneem het. (Dit het beter gegaan as met my Duits wat se woordeskat ek nie kon bemeester nie!) Ons was nogal 'n mooi klas van ~34 leerlinge, maar ongelukkig wou net 6 kinders verder aangaan met die taal tot matriekvlak. Só het ons onderrig daarin toe gesneuwel einde 1973. My pa was Tswana magtig aangesien hy in die Wes-Transvaal op 'n plaas grootgeword het.

1. Die leermetode wat ons gevolg het op skool, was om soveel woordeskat as moontlik aan te leer. Ek skat dit was omtrent 600 woorde wat ons elkeen met klein flitskaartjies (so groot soos 'n vuurhoutjieboks) vir onsself gemaak het – 'n Sothowoord op die voorkant en sy Afrikaans op die agterkant. Dan werk jy maar een-vir-een deur die kaartjies in jou vryetyd tot jy dit onder die knie het. Die voordeel van die pakkies kaartjies, is dat jy die moeilike woorde wat jy telkens mee faal, kan uittrek en eenkant op 'n hopie pak. Later (soos oor valentynsnaweek) werk jy hulle weer deur!

2. Ons het daarna die frases geleer, met hulle verbuigings soos gebruiklik is. Jy sal meer weet hiervan.

3. Dipapiso lyk vir my ook soos vergelykings, maar ek het dit gister verkeerdelik geskakel na intensiewe vorme.

4. Ek weet nie te veel van wat staan by tn:Sedirisiwa ebong Makoro nie, my kennis is al te verroes! Maar ek sal kan help met 'n tn:→af: vertaling van dele in die artikel.

5. Dis myns insiens die maklikste om enige vreemde taal aan te leer deur tussen die mense te woon, sodat jy dit die hele tyd kan hoor & praat en natuurlik vinnig "reggehelp" word deur die moedertaalsprekers. Neem nou maar jou eie moedertaal vanaf geboorte as voorbeeld: Mammie fluister dit heeldag in baba se oortjie en as hy dit begin reproduseer help sy hom mos reg!

Groete, Aliwal2012 (kontak) 13:54, 12 Februarie 2016 (UTC)

Baie dankie! Die flitskaarte onthou ek nog uit Sub B/Gr.2. Ons juffrou het ons hoofrekenkaartjies laat uitskryf en dan moes ons 1+1 = [] so vinnig as moontlik vir onsself opsê. En nou onthou ek: weet jy hoe baie kinders kan op daardie ouderdom nie viool lees nie, maar vlooi!

Ek is eintlik 'n kompulsiewe woordeboekversamelaar uit gewoonte. Groete ook van my, Suidpunt (kontak) 15:10, 12 Februarie 2016 (UTC)

Skuif van artikels

Gert, deur bv Blou Hottentot te skuif sonder 'n aanstuur beteken dat die skakels na ander bladsy nou rooi raak! Groete! Oesjaar (kontak) 11:42, 22 Januarie 2016 (UTC)

Haai daar, ek is besig om dit reg te maak by ander lyste. Gee net kans asb., ek doen my apteekwerk ook tussendeur! Aliwal2012 (kontak) 11:46, 22 Januarie 2016 (UTC)

Sharp, moet net nie kalmeerpille gee vir 'n ou wat maagwerk het nie! Groete! Oesjaar (kontak) 11:50, 22 Januarie 2016 (UTC)

Gert, toe jy van die visse se name verander het, het jy ook die Bionomiale naam lêer verander? Dit bevat normaalweg 'n aanstuur na die artikel met die Afr naam. Groete! Oesjaar (kontak) 04:27, 27 Januarie 2016 (UTC)

Hallo Oesjaar! Ja, ek het dit by elkeen pertinent opdateer, ook die gewone Afrikaanse lys. Aliwal2012 (kontak) 06:41, 27 Januarie 2016 (UTC)

Rooi skakels

Hallo

Ek het die rooi skakels in die artikel "Atmosfeer" teruggesit. Die rede daarvoor is want ek wil graag hê mense moet bladsye met inhoud skep vir daardie belangrike terme. Ons is besig met ′n vertalingsprojek en ons gaan moontlik self nog later daardie bladsye vir die rooi skakels skep.

Groetnis, MilanBye. 10:12, 23 Februarie 2016‎ (UTC)

Hi MilanBye, skep eerder die rooi artikels, dan kan ons hulle weer as blou skakels terugplaas. Dit maak dat die artikel moeilik lees en onnet vertoon.

Ook die term molekulêre gewig is nie wetenskaplik korrek nie, dit moet molekulêre massa heet. Groete, Aliwal2012 (kontak) 10:26, 23 Februarie 2016 (UTC)

Ek verstaan dit ja, maar nie alle rooi skakels is verkeerde terme nie. Die ding is net as daar nie ′n rooi skakel is nie, gaan ons na elke liewe bladsy met daardie onderwerp in die teks moet teruggaan om die skakel in te sien. Maar as die rooi skakel reeds in die verskillende bladsye is, gaan Wikipedia outomaties die regte skakel na die bladsy toe invoeg, in die plek van die rooi skakel. Die idee is dat dit outomaties gebeur en nie elke keer per hand nie. Dit doen geen skade as daar ′n paar rooi skakels in ′n artikel is nie, maar dit is wel goed. Want dit help om Wikipedia uit te brei. Nog 'n rede is vir die mense wat graag wil skryf vir Wikipedia en nie weet waaroor nie, kan gaan kyk na die lys van rooi skakels en op grond daarvan 'n besluit maak waaroor om te skryf. So ek dink dit is meer voordelig as nadelig, dus moet ons dit asseblief daar hou. Dankie, MilanBye. 11:47, 23 Februarie 2016‎ (UTC)

Dis 'n riskante manier van sake doen op wiki. Wanneer dink jy gaan iemand 'n artikel oor "stof" skryf? Daar is nog 18 rooi skakels in die artikel, dis nie net "′n paar rooi skakels" nie.

Die probleem met nuwe wetenskaplike artikels is dat daardie terme wat nog nie hier bestaan nie, hoogstegniese benamings is (ek verwys na ligdissosiasie, eksoplaneet, paleoatmosfeer, Kármán-lyn ens). Hulle duik gewoonlik op uit die oorspronklike (Eng?) vertaling van die artikel. Dit sal maar broekskeur gaan om sulke artikels sinvol te skep (meer as 10 woorde) met net 15 aktiewe bydraers op die Afrikaanse wikipedia, maar jy is welkom om self te begin daarmee. Onthou, beloftes maak skuld!

P.S. Teken asb. jou bydraes op besprekingsbladsye met vier tildes (~~~~) na die "dankie". Aliwal2012 (kontak) 14:01, 23 Februarie 2016 (UTC)

Ek verstaan wat jy bedoel. Baie dankie! Groete. MilanBye (kontak) 11:10, 25 Februarie 2016 (UTC)

Lys van dorpe in Suid-Afrika

Gert, dankie vir al die dorpies wat jy skep. Wanneer gaan jy bogenoemde lys bywerk? Groete! Oesjaar (kontak) 18:56, 14 Maart 2016 (UTC)

Hi Oesjaar, ek is eintlik doenig op die Noord-Sotho Wikipedia. (Sien nso:Aliwal2012/sandpit) Daar is nog 4 pophuise vol rooi skakels daar!! Sodra ek deur die lys van dorpe in Noord-Sotho gewerk het, sal ek dit afpaar ("match") met die Afrikaanse name. Cheers, Aliwal2012 (kontak) 19:18, 14 Maart 2016 (UTC)

Knap gedaan met jou werk op Noord Sotho, Wens ek kon 'n inheemse taal bemeester! Groete! Oesjaar (kontak) 19:24, 14 Maart 2016 (UTC)

Gebruiker:Jcwf

Gert, dankie vir al jou werk, ek weet jy is ook besig op ons swarttaal Wiki's. Ek sal dit waardeer indien jy kan help met Gebruiker:Jcwf se bydraes. Sy bydraes vul baie gate maar die Nederlands slaan deur. Ek kan self nie by bly met verbeteringe nie en is verlore met sy Chemiese bydraes. Groete! Oesjaar (kontak) 09:50, 7 April 2016 (UTC)

Dis reg my baas! Aliwal2012 (kontak) 10:14, 7 April 2016 (UTC)

Rooi skakels

Ek het die rooi skakels in die artikel "Atmosfeer" teruggesit. Die rede daarvoor is want ek wil graag hê mense moet bladsye met inhoud skep vir daardie belangrike terme. Ons is besig met ′n vertalingsprojek en ons gaan moontlik self nog later daardie bladsye vir die rooi skakels skep.

Groetnis, MilanBye. 10:12, 23 Februarie 2016‎ (UTC)

Hi MilanBye, skep eerder die rooi artikels, dan kan ons hulle weer as blou skakels terugplaas. Dit maak dat die artikel moeilik lees en onnet vertoon.

Ook die term molekulêre gewig is nie wetenskaplik korrek nie, dit moet molekulêre massa heet. Groete, Aliwal2012 (kontak) 10:26, 23 Februarie 2016 (UTC)

Ek verstaan dit ja, maar nie alle rooi skakels is verkeerde terme nie. Die ding is net as daar nie ′n rooi skakel is nie, gaan ons na elke liewe bladsy met daardie onderwerp in die teks moet teruggaan om die skakel in te sien. Maar as die rooi skakel reeds in die verskillende bladsye is, gaan Wikipedia outomaties die regte skakel na die bladsy toe invoeg, in die plek van die rooi skakel. Die idee is dat dit outomaties gebeur en nie elke keer per hand nie. Dit doen geen skade as daar ′n paar rooi skakels in ′n artikel is nie, maar dit is wel goed. Want dit help om Wikipedia uit te brei. Nog 'n rede is vir die mense wat graag wil skryf vir Wikipedia en nie weet waaroor nie, kan gaan kyk na die lys van rooi skakels en op grond daarvan 'n besluit maak waaroor om te skryf. So ek dink dit is meer voordelig as nadelig, dus moet ons dit asseblief daar hou. Dankie, MilanBye. 11:47, 23 Februarie 2016‎ (UTC)

Dis 'n riskante manier van sake doen op wiki. Wanneer dink jy gaan iemand 'n artikel oor "stof" skryf? Daar is nog 18 rooi skakels in die artikel, dis nie net "′n paar rooi skakels" nie.

Die probleem met nuwe wetenskaplike artikels is dat daardie terme wat nog nie hier bestaan nie, hoogstegniese benamings is (ek verwys na ligdissosiasie, eksoplaneet, paleoatmosfeer, Kármán-lyn ens). Hulle duik gewoonlik op uit die oorspronklike (Eng?) vertaling van die artikel. Dit sal maar broekskeur gaan om sulke artikels sinvol te skep (meer as 10 woorde) met net 15 aktiewe bydraers op die Afrikaanse wikipedia, maar jy is welkom om self te begin daarmee. Onthou, beloftes maak skuld!

P.S. Teken asb. jou bydraes op besprekingsbladsye met vier tildes (~~~~) na die "dankie". Aliwal2012 (kontak) 14:01, 23 Februarie 2016 (UTC)

Dag Aliwal. Ek wil graag hierdie gesprek voortsit. My mening is dat Wikipediane moontlike aangespoor word om ’n nuwe artikel te skep wanneer hulle ’n rooi skakel sien. Ek dink nie ons moet voor die voet rooi skakels verwyder nie (soos hierdie wysiging aan Dick Bruna). Dit mag dalk onnet vertoon maar dit dien m.i. as aansporing tot uitbreiding van ons Wikipedia. Puvircho (kontak) 09:07, 25 Februarie 2017 (UTC)

Albert Geyser

Verwys my asseblief na die reël wat sê ek moet 'n artikel klaar skryf voordat ek dit mag publiseer. Ek wil ook sommer weet waar kry jy die reg om artikels wat ek begin het, sommer binne 'n kort tydjie deur te haal sonder om my eers te laat weet. Hentie Joubert (kontak) 13:35, 21 Augustus 2016 (UTC)

Dit is 'n gemeenskapreël. Vandat jy hier begin het wil jy alles jou manier hê, probeer help en nie 'n probleem word nie. Groete! Oesjaar (kontak) 16:09, 21 Augustus 2016 (UTC)

Hentie, brei die artikel uit en skuif dit terug! Waar is die probleem? Sê wie?Hentie Joubert (kontak) 03:57, 22 Augustus 2016 (UTC)

Ek wag nog op 'n antwoord van Aliwal2012. Hentie Joubert (kontak) 04:04, 22 Augustus 2016 (UTC)

Beste Hentie,

Ons kan net hierdie wiki maak werk as ons almal die huishoudelike reëls nakom. Dit spreek tog vanself dat jou enkellyn-artikel nie op die Afrikaanse wiki se hoë standaard is nie! Jy het nou die boodskap gekry van 2 administrateurs (ek en Oesjaar).

Jou artikel is nie geskrap nie, ek het dit slegs verskuif na jou eie "sandput" totdat dit verbeter is. Lê nou bietjie geduld aan die dag en brei jou artikel uit, met verwysings daarby, dan kan ons dit weer terugskuif na die hooflys.

Sterkte daar! --Aliwal2012 (kontak) 07:26, 22 Augustus 2016 (UTC)

Jy het nog nie my vrae beantwoord nie. Hentie Joubert (kontak) 08:18, 22 Augustus 2016 (UTC)

Ek het nie nodig om jou vrae te beantwoord nie. Ek is nie jou student of jou onderwyser nie, Wikipeadia betaal my ook nie om jou te woord te staan nie! Hou op om kinderagtig te wees, jy irriteer my! Aliwal2012 (kontak) 10:32, 22 Augustus 2016 (UTC)

Geseënde Kersfees van Martinvl

Hi Aliwal2012

Dankie vir jou boodskap. As my spelling verkeerd is, herstel dit maar gerus. Op beantwoord van jou vraag, ja, sedert 1978 woon ek in die VK, mar ek het in Natal grootgeword en 'n paar jaar in Johannesburg by de Beers gewerk. Af en toe besoek ek Nederland.

Mag ek ook vir jou en jou familie 'n geseënde Kersfees en 'n voorspoedige Nuwe Jaar wens.

Martin

Baie dankie Martin, en ook vir jou vele bydraes hier op af:wiki! --Aliwal2012 (kontak) 15:38, 15 Desember 2016 (UTC)

Pratt & Whitney

Gert, ons kort iets hier.... Groete! Oesjaar (kontak) 15:01, 24 Desember 2016 (UTC)

Ja Oesjaar, definitief! Ek het laas net artikels oor die produk self geskryf, b.v. Pratt & Whitney PW6000. Miskien kan JCIV help, hy hou van maatskappye stig!

Geniet jou Kersdag, moenie dat jou vroutjie jou op af:wiki vang nie! --Aliwal2012 (kontak) 15:07, 24 Desember 2016 (UTC)

Vioolspelerkrap geskuif

Hallo Daniel!

Ek het jou saadjie-artikel Vioolspelerkrap wat jy begin het, geskuif na jou eie sandput by Daniellouw/sandput/Vioolspelerkrap. Dit kort werklik nog bietjie vleis om ensiklopedies genoem te word. Eksperimenteer gerus daar, en indien jy dit verder uitgebrei het met teks, verwysings en moontlik 'n foto of twee, kan ons dit terugskuif na die hoofnaamspasie.

Moet asseblief nie sleg voel nie, die artikel is nie weg nie, slegs verskuif!

Groete, die wikidwergie Aliwal2012 (kontak) 13:45, 19 September 2016 (UTC)

Aliwal2012, ek verstaan aan die een kant. Aan die ander kant het ek dit geskep bloot sodat mense die Afrikaans vir Fiddler crab kan sien. En dit skep natuurlik 'n platvorm vir ander om bydraes daarop te lewer. Ek sal kyk of ek 'n kansie kry om dit aan te vul. Dankie. Daniellouw (kontak) 20:00, 20 September 2016 (UTC)

Dankie Daniel, ek verstaan jou bedoeling, maar pasop om nie 'n woordeboek (m.a.w. vertaalde begrippe) hiervan te maak nie, daarvoor is daar die wikiDictionary. Ek was ook al vele kere in die versoeking om net een sin onder 'n titel soos "boerewors" te skryf, net om (en) "sausage" se korrekte Afrikaanse vertaling aan ander te wys.

Maar in my opinie moet jy dan verbind wees ("committed") om so 'n inleidende sin spoedig tot 'n artikel uit te brei, asb! Aliwal2012 (kontak) 14:07, 21 September 2016 (UTC)

Ek weet nie van enige beleid wat een-lyn artikels verbied nie. So, persoonlik verstaan ek nie wat die probleem is nie. Groete. Frank (kontak) 14:21, 21 September 2016 (UTC)

Frank, my probleem is dat ons nie ons agbare bydraers moet aanmoedig om byna leë artikels te skryf nie! Dit skakel in by Oesjaar e.a. se beleid van kwaliteit bo kwantiteit.

Dit geld veral in die Europese tale se groot wiki's. Gaan skryf slegs: "Vioolspelerkrap is 'n krap met een groot en een klein knyper." op die Nederlandse wiki en sien wat gebeur daarmee. Ons moet darem strewe om ten minste 500 grepe aan 'n nuwe begrip te wy, tensy daar nie enige ander inligting bekombaar is nie.

Hiermee wil ek tog nie op mense se tone trap nie, sien dit eerder as 'n opleidingshulp aan nuwe bydraers (waarvan ons 'n paar bygekry het die laaste paar maande). Groetnis --Aliwal2012 (kontak) 14:43, 21 September 2016 (UTC)

Ek besef jy het goed bedoel, en dat ons moontlik selfs 'n beleid hieroor nodig het. Ek sê maar net daar is nie tans so iets nie. Aan die ander kant, het jy die Engelse wiki so 10 na 15 jaar terug gesien? Hulle het basies die hele ding met eenlyners begin. Groete. Frank (kontak) 15:07, 21 September 2016 (UTC)