Geniza
'n Geniza (Hebreeus: גניזה, "bergplek"; meervoud genizot of genizahs)[2] is 'n stoor in 'n Joodse sinagoge of begraafplaas wat aangewys is as die tydelike bergplek van uitgediende Hebreeuse boeke en dokumente voordat hulle behoorlik begrawe word.
Beskrywing wysig
Genizot is tydelike stoorplekke vir Hebreeuse boeke en dokumente wat God se naam bevat, omdat dit nie weggegooi mag word nie – dit moet in 'n begraafplaas begrawe word. Omdat selfs persoonlike briewe en regsdokumente kan begin met God se naam, is die inhoud van genizot nie altyd godsdiensdokumente nie; hulle kan ook inhoud van 'n sekulêre aard bevat, sowel as geskrifte in ander Joodse tale in die Hebreeuse alfabet, soos Jiddisj.
Genizot word gewoonlik in die kelders of solders van 'n sinagoge aangetref, maar kan ook in die mure voorkom of ondergronds wees. Hulle kan ook in 'n begraafplaas geleë wees.[3]
Die inhoud van genizot word elke en nou en dan bymekaargemaak en in 'n begraafplaas of bet ḥayyim begrawe. Sinagoges in Jerusalem begrawe die inhoud van hulle genizot elke sewe jaar, sowel as tydens 'n droogte omdat hulle glo dit sal reën bring.
Verwysings wysig
- ↑ Chakraborty, Showli (1 September 2014). "Jewish Past, Digital Present". The Telegraph, Kolkata. Geargiveer vanaf die oorspronklike op 5 September 2014. Besoek op 2 November 2014.
- ↑ Webster's Third New International Dictionary, 1961
- ↑ Katzover, Yisrael. "The Genizah on the Nile". Hamodia Features, 21 April 2016, p. 14.
Skakels wysig
Hierdie artikel is in sy geheel of gedeeltelik uit die Engelse Wikipedia vertaal.
