Goodhouse

Goodhouse is 'n plekkie in Namakwaland, provinsie Noord-Kaap, met 'n landingstrook, op die suidelike oewer van die Oranjerivier, 60 km suidwes van Warmbad, Namibië en 60 km oos-suidoos van Vioolsdrif. Die naam is 'n volksetimologiese aanpassing van die Nama-woord Gudaos, "skaapdrif", omdat die Namas volgens oorlewering hier die rivier oorgesteek het wanneer hulle met hulle vee van Klein na Groot Namakwaland getrek het. Dit is veral bekend om die ondraaglike hoë temperature wat hier aangeteken word.

Goodhouse
Dorpie
Fjord by Goodhouse
Goodhouse  Goodhouse se ligging in Noord-Kaap
Koördinate: 28°54′0″S 18°15′0″O
Land	Suid-Afrika
Provinsie	Noord-Kaap
Distrik	Namakwa
Munisipaliteit	Nama Khoi
Oppervlak
• Totaal	0,30 km2 (0,12 vk. myl)
Bevolking  (2011)
• Totaal	171
• Digtheid	570/km2 (1 500/vk. myl)
Rasverdeling (2011)
• Bruin mense	98.8%
• Swart mense	0.6%
• Ander	0.6%
Taal (2011)
• Afrikaans	96.5%
• Engels	2.9%
• Ander	0.6%

Ekonomie

Landbou is die hoofbron van inkomste in die gebied, wat besproeiing noodsaaklik maak. 'n Waterpompstasie by die Oranjerivier voorsien Goodhouse en die dorpies in die omgewing van water. In die nabygeleë Kooriviervallei word veral dadels verbou.

Bilbliografie

• Green, Douglas G.: To the river's end. Kaapstad: Howard B. Timmins, s.j.

Sien ook

• Lys van dorpe in Suid-Afrika