Grieks-Ortodokse Patriargaat van Jerusalem
Die Grieks-Ortodokse Kerk van Jerusalem (Grieks: Πατριαρχεῖον Ἱεροσολύμων, Patriarcheîon Hierosolýmōn; Arabies: كنيسة الروم الأرثوذكس في القدس, Kanisa Ar-roem Oertoedoks fi al-Koeds), ook bekend as die Grieks-Ortodokse Patriargaat van Jerusalem, is ’n outokefale Oosters-Ortodokse Kerk wat in volle gemeenskap met die ander Oosters-Ortodokse kerke is. Die primaat van die kerk het die titel Patriarg van die Heilige Stad Jerusalem en die Hele Palestina, en van Sirië, Arabië, Benede die Jordaanrivier, Cana van Galilea, en die Heilige Sion.
| Grieks-Ortodokse Kerk van Jerusalem | ||
| ||
| Hoofingang van die Kerk van die Heilige Graf in Jerusalem. | ||
| Stigtingsjaar | 451 | |
| Stigter | Konsilie van Chalcedon | |
| Status | Outokefaal | |
| Kerkleiding | ||
| Hoof | Theofilus III van Jerusalem | |
| Hoof se titel | Patriarg van die Heilige Stad Jerusalem en die Hele Palestina, en van Sirië, Arabië, Benede die Jordaanrivier, Cana van Galilea, en die Heilige Sion | |
| Setel | Jerusalem | |
| Besonderhede | ||
| Liturgie | Bisantyns | |
| Liturgiese taal | Arabies, Grieks, Engels | |
| Kalender | Juliaanse kalender | |
| Gelowiges | 400 000 | |
| Gemeentes | 50 | |
| Webtuiste | ||
| http://www.jerusalem-patriarchate.info | ||
Die Kerk word deur Ortodokse Christene beskou as die moederkerk van die hele Christendom. Christene glo die Kerk is gestig op die dag van die Pinkster, toe Jesus se dissipels met die Heilige Gees vervul is (Hand 2:1-41) en dat God se Woord van Jerusalem na ander plekke versprei is. Die Kerk word ook dikwels Σιωνίτις Εκκλησία (Sionitis Ecclesia, die Kerk van Sion) genoem.
Daar is sowat 500 000 Ortodokse Christene in Israel. Baie van die lede is Palestyne en Jordaniërs, asook Russe, Roemene en Georgiërs. Die Kerk se hiërargie word oorheers deur Grieke, wat die Arabiese meerderheid in effek van die hoogste range uitsluit, en dit veroorsaak baie spanning in die Kerk.