Wildepruim

Die Wildepruim (Harpephyllum caffrum) is 'n boom wat tot die Anacardiaceae familie hoort. Dit is die enigste spesie in die genus en Harpephyllum is dus 'n monotipiese takson. Dit staan ook as essenhout, gwenjabessie, suurbessie en suurpruim bekend.

Wildepruim
Saamgestelde blare en vrugte
Bewaringstatus
Veilig (IUCN 3.1)
Wetenskaplike klassifikasie
Koninkryk:	Plantae
Subkoninkryk:	Tracheobionta
Divisie:	Magnoliophyta
Klas:	Magnoliopsida
Subklas:	Rosidae
Orde:	Sapindales
Familie:	Anacardiaceae
Genus:	Harpephyllum Bernh. ex C.Krauss
Spesie:	H. caffrum
Binomiale naam
Harpephyllum caffrum Bernh., 1844
Sinonieme
Harpephyllum serratum Sond. ex Walp. Odina caffra Hook. ex Marchand, Rév. Anacardiac. Spondias falcata Meisn. Tapirira caffra (Bernh. ex C.Krauss) Marchand

Verspreiding

Die spesie is endemies aan KwaZulu-Natal, Limpopo, Mpumalanga en die Oos-Kaap asook Eswatini, Mosambiek en Zimbabwe.

Beskrywing

Die boom het saamgestelde blare wat dig saamgepak is, soos 'n roset, aan die takkies se eindpunte. Die blaartjies is sekelvormig. Die vrug, van 2 cm in deursnee, is vlesig, suur en rooi wanneer dit ryp is.

Gebruike

Daar word jellie en Rosé van die vrugte gemaak. Die boom se bas word gebruik vir tradisionele medisyne. Indien dié gebruik toeneem kan die spesie bedreig word. Dis 'n gewilde skaduboom, en party dorpe het dit as sierboom langs hul strate aangeplant.

Die boom se FSA-nommer is 361.

Galery

• 
  Volgroeide boom
• 
  Inligtingsbord oor boom
• 
  Tak met vrugte
• 
  Stam en takke

Sien ook

• Alfabetiese lys van Suid-Afrikaanse bome

Bron

• Algemene gids tot BOME. Keith, Paul & Meg Coates Palgrave. 2000. ISBN 1-86872-527-8
• REDLIST Sanbi
• Plants of the World Online