Hertog van Sussex
Die Hertog van Sussex is ’n Britse adellike titel. Dit kry sy naam van die graafskap Sussex in Engeland.
| Hertog van Sussex | |
|---|---|
.svg) Die wapen van prins Harry, Hertog van Sussex
| |
| Geskep | 19 Mei 2018 (tweede keer) |
| Monarg | Elizabeth II |
| Eerste houer | Prins Augustus Frederick |
| Huidige houer | Prins Harry |
| Ander titels | Graaf van Dumbarton baron Kilkeel |
| Status | In gebruik |
Die titel is op 24 November 1801 die eerste keer toegeken, aan prins Augustus Frederick,[1] die sesde oudste seun van koning George III. Hy het terselfdertyd die titels baron Arklow en die Graaf van Inverness gekry. Die titel was ongebruik sedert die dood van prins Augustus Frederick in 1843. Hy het wel seuns gehad, maar sy huwelik met hul ma, lady Augusta Murray, is nietig verklaar omdat dit nie aan die Royal Marriages Act van 1772 voldoen het nie. Die seuns was dus buite-egtelik en het nie ’n aanspraak op die titel gehad nie.
Die volgende persoon aan wie die titel toegeken is, is prins Harry, op die oggend van sy troue met Meghan Markle op 19 Mei 2018. Prins Harry het terselfdertyd die titels Graaf van Dumbarton en baron Kilkeel gekry.
Geskiedenis wysig
’n Titel wat met Sussex verbind word, het die eerste keer ontstaan met die Koninkryk Sussex, ’n Angel-Saksiese koninkryk wat omstreeks 827 deur die Koninkryk Wessex geannekseer is.[2] Dit het later deel van die Koninkryk Engeland geword.
Die titel Hertog van Sussex is op 24 November 1801 die eerste toegeken, aan prins Augustus Frederick, die sesde ouste seun van koning George III. Hy het in 1793 getrou met lady Augusta Murray en op 2 Mei 1831 met lady Cecilia Gore. Albei huwelike was ’n oortreding van die Royal Marriages Act van 1772 en sy kinders is dus as buite-egtelik beskou. Lady Cecilia kon nie in die hof onthaal word nie omdat sy nie die prins se wettige vrou was nie. Sy het later die titel Hertogin van Inverness uit eie reg by koningin Victoria gekry.[3] Omdat prins Augustus Frederick nie wettige seuns gehad het nie, het die titel ná sy dood in onbruik geraak.
In 1999, net voor die troue van prins Edward, die jongste seun van Elizabeth II, is vermoed hy sou die titel kry. Hy het egter die Graaf van Wessex geword. Hy het op 10 Maart 2023 die Hertog van Edinburg geword, 'n titel wat voorheen aan sy pa, prins Philip, behoort het.[4] Daar was weer ’n vermoede dat prins William die titel sou kry toe hy in April 2011 met Kate Middleton trou,[5] maar hy het die Hertog van Cambridge geword.
Prins Harry het eindelik die titel gekry toe hy op 19 Mei 2018 met Meghan Markle trou. Hy het terselfdertyd die titels Graaf van Dumbarton en baron Kilkeel gekry.
Hertoë van Sussex wysig
Eerste skepping, 1801 wysig
| Naam | Foto | Gebore | Huwelik | Dood |
|---|---|---|---|---|
| Prins Augustus Frederick Huis van Hannover 1801-1843 ook: Graaf van Inverness en baron Arklow (1801) |
|
27 Januarie 1773 Buckingham House, Londen seun van koning George III en koningin Charlotte |
4 April 1793 Lady Augusta Murray 2 kinders 2 Mei 1831 Lady Cecilia Underwood Geen kinders |
21 April 1843 Kensington-paleis, Londen |
| Prins Augustus se huwelik met lady Augusta Murray, by wie hy twee seuns gehad het, is nietig verklaar ingevolge die Royal Marriages Act van 1772 en die titel was dus ongebruik ná sy dood. | ||||
Tweede skepping, 2018 wysig
| Naam | Foto | Gebore | Huwelik | Dood |
|---|---|---|---|---|
| Prins Harry Huis van Windsor 2018-tans ook: Graaf van Dumbarton en baron Kilkeel (2018)[6] |
|
15 September 1984 Londen seun van Charles, Prins van Wallis en Diana, Prinses van Wallis |
19 Mei 2018 Meghan Markle |
Verwysings wysig
- ↑ London Gazette, 24 November 1801, uitg. 15429, p. 1403
- ↑ Edwards, Heather (2004). "Ecgberht [Egbert] (d. 839), king of the West Saxons in the Oxford Dictionary of National Biography". Oxford University Press. Besoek op 22 Junie 2014.
- ↑ London Gazette, uitg. 19842, p. 31 Maart 1840
- ↑ "His Royal Highness was born with the title Prince Edward, as he is a son of The Sovereign. He was created The Earl of Wessex and Viscount Severn on his marriage in 1999". Royal.gov.uk (in Engels). Geargiveer vanaf die oorspronklike op 14 Mei 2019. Besoek op 9 Januarie 2016.
- ↑ "Kate Middleton will inherit a host of titles". Cambridge News (in Engels). 16 November 2010. Geargiveer vanaf die oorspronklike op 27 Julie 2014. Besoek op 22 April 2014.
- ↑ Royal.UK — Prince Harry and Meghan Markle: Announcement of Titles (Besoek op 19 Mei 2018)