Hutsmerk
Die hutsmerk (of hutsmerker)[1] is 'n tipe metadata-merker wat op sosiale netwerke en mikroblogdienste gebruik word wat nie noodwendig 'n kategorie-stelsel het nie. Dit maak dit dan moontlik vir gebruikers om inhoud op te spoor en op so 'n wyse die inhoud te kategoriseer. Gebruikers skep hutsmerke deur 'n hekkie-karakter (die syferaanwyser) vooraan 'n woord te plaas. Deur 'n spesifieke hutsmerk op te soek sal alle boodskappe of inhoud wat die hutsmerk bevat opgespoor word. 'n Hutsmerk word gevolglik in 'n argief bymekaargemaak, in 'n enkele stroom omvattende die spesifieke hutsmerk. Op Instagram maak die hutsmerk #bluesky dit vir gebruikers moontlik om al die foto's wat met die spesifieke hutsmerk gemerk is, op te spoor.
As gevolg van die gewildheid van die hutsmerk is die Engelse woord hashtag in Junie 2014 in die Oxford Engelse Woordeboek bygevoeg. Die term hutsmerk kan ook verwys na die syferaanwyser wanneer dit in konteks van 'n hutsmerk gebruik word.
Sien ook
wysigVerwysings
wysig- ↑ "Gebruik van die woord Hutsmerker op Solidariteit se webtuiste". Geargiveer vanaf die oorspronklike op 30 Junie 2016. Besoek op 27 Augustus 2017.
Eksterne bronne
wysig- Die Afrikaanse Taalkommissie skryf oor hutsmerk se voorlopige opname in die woordelys, April 16, 2015 omstreeks 8:35am
Wikiwoordeboek het 'n inskrywing vir hutsmerk.
| Hierdie artikel is in sy geheel of gedeeltelik vanuit die Engelse Wikipedia vertaal. |
