Maak hoofkeuseskerm oop

Isipingo is 'n woonbuurt gebou op 'n hoë sandbank by die mond van die Siphingo-rivier. Dit vorm tans deel van eThekwini en is geleë 19 km suid van Durban in KwaZulu-Natal, Suid-Afrika. Die dorp is vernoem na die Siphingo-rivier, wat op sy beurt genoem is na die verknoopte katdoringstruike (Scutia myrtina) wat teenwoordig is in die gebied. Die dorp bestaan ​​uit Isipingo Rail, Isipingo Hills, Lotus Park, Orient Hills, Malakazi en Isipingo Beach.

Isipingo
Ligging van Isipingo op 'n kaart (KwaZulu-Natal)
Isipingo
Isipingo
Ligging van Isipingo op 'n kaart (Suid-Afrika)
Isipingo
Isipingo
Koördinate: 29°58′56″S 30°55′40″O / 29.98222°S 30.92778°O / -29.98222; 30.92778Koördinate: 29°58′56″S 30°55′40″O / 29.98222°S 30.92778°O / -29.98222; 30.92778
Land Vlag van Suid-Afrika Suid-Afrika
Provinsie KwaZulu-Natal
Metropolitaanse Munisipaliteit eThekwini
Oppervlak[1]
 - Dorp 10,43 km²  (4 vk m)
Hoogte m (26 vt)
Bevolking (2011)[1]
 - Dorp 30 193
 - Digtheid 2 895/km² (7 498/myl2)
Tydsone SAST (UTC+2)
Poskode 4133 / 4115
Skakelkode(s) 031

Die gebied het puik strande en word gereeld besoek deur vissermanne, veral gedurende die sardienloop. Die dorp self het 'n primêre skool, 'n hoërskool (Isipingo Sekondêr) en 'n biblioteek en is naby aan die groot winkelsentrums. 'n Hoofpad verbind die dorp aan die M4-snelweg wat maklike toegang bied tot die stad van Durban. Isipingo Beach grens aan 'n groot industriële gebied, Prospecton, wat een van Suid-Afrika se grootste motorfabrieke, naamlik dié van Toyota, huisves. Die fasiliteit, wat byna 9 vierkante kilometer beslaan, verskaf werk aan menige inwoners van Isipingo en omstreke.

Die bevolking is oorwegend van Indiese afkoms en die dorp huisves heelwat Moslemmoskees en 'n Hindoetempel.

Naburige voorstede sluit in Isipingo Hills, Isipingo Rail en Amanzimtoti. Die voormalige Durban Internasionale Lughawe was direk langs Isipingo Beach geleë. In die Suid-Afrikaanse geskiedenis is Isipingo bekend as die plek waar Dick King begrawe is.

Sien ookWysig

VerwysingsWysig

  1. 1,0 1,1 Som van subplekke Isipingo Beach, Isipingo Hills, Isipingo Rail en Lotus Park tydens Sensus 2011