J.J. Serfonteinbrug
brug oor die Oranjerivier, op die R717-pad
Die J.J. Serfonteinbrug oor die Oranjerivier is op die R717-pad, 27 km noord van Colesberg in die Noord-Kaap en 29 km suid van Philippolis in die Vrystaat. Dit is by 30°30′12″S 25°12′2.5″O / 30.50333°S 25.200694°O, noordwes van Norvalspont en die Gariepdam en suidoos van die punt waar die Seekoeirivier in die Oranjerivier loop. Die brug is 395 m lank en van gewapende beton gebou.
Jan Jonathan Serfontein was ‘n Suid-Afrikaanse politikus in die jare 1932 tot 1966. Vanaf 1958 tot sy aftrede was hy die minister verantwoordelik vir die portefeulje Volkswelsyn.