Wikipedia

J.K. Rowling

Engelse skrywer

Joanne Rowling (gebore 31 Julie 1965), is 'n Engelse skrywer wat skryf onder die name J. K. Rowling en Robert Galbraith en is mees bekend vir die Harry Potter fantasiereeks. Die boeke het vele pryse gewen en meer as 500 miljoen kopië verkoop.[1] Die boeke was verfilm in 'n baie bekende reeks.[2]

J. K. Rowling
Rowling in 2010
Gebore
Joanne Rowling

31 Julie 1965 (1965-07-31) (58 jaar oud)
Yate, Gloucestershire, Engeland
NasionaliteitVlag van Verenigde Koninkryk Verenigde Koninkryk
BeroepSkrywer
Bekend virHarry Potter
EggenootJorge Arantes (1992–1995), Neil Murray (2001–)
Kinders3
Webwerfjkrowling.com
Handtekening

Rowling het as navorser en tweetalige sekretaris gewerk vir Amnestie Internasionaal toe sy die idee vir die Harry Potter-reeks bedink terwyl sy in 1990 wag op 'n vertraagde trein van Manchester na London.[3] In die opvolgende sewe jaar is haar ma oorlede, haar eerste kind gebore, sy haar eerste man geskei, en lewe in relatiewe armoede tot die eerste roman in die reeks Harry Potter and the Philosopher's Stone gepubliseer is in 1997. Daar was ses opvolg boeke, waarvan die laaste, Harry Potter and the Deathly Hallows, in 2007 vrygestel is.

Naam wysig

Alhoewel sy onder die pennaam J. K. Rowling skryf, was haar naam, voor sy hertrou, Joanne Rowling. Haar uitgewers het gedink dat die teikengehoor van jong seuns moontlik nie 'n boek wat deur 'n vrou geskryf is, wil lees nie, maar dat sy twee voorletters gebruik eerder as haar volle naam. Aangesien sy geen middelnaam het nie, kies sy K (vir Kathleen) as die tweede voorletter van haar pennaam, van haar ouma. Sy noem haarself Jo.[4] Na haar hertrouery het sy soms die naam Joanne Murray gebruik as sy persoonlike sake gedoen het.[5]

Biografie wysig

Rowling is gebore op 31 Julie 1965 in Yate, Gloucestershire, Engeland, die dogter van Peter James Rowling, 'n Rolls-Royce vliegtuigingenieur,[6] en Anne Rowling (née Volant), 'n wetenskaptegnikus[7].

In 1986 het Rowling aan die Universiteit van Exeter gegradueer met 'n graad in Franse en Klassieke Kultuur, waarna sy verskeie kantoorposte geneem het. In 1991 het sy na Portugal verhuis om Engels te onderrig. Daar het sy die TV-joernalis Jorge Arantes ontmoet, met wie sy getrou het. In 1993 is haar eerste dogter Jessica gebore. Die huwelik het misluk en Rowling het saam met haar dogter in Edinburgh gaan woon. Daar het sy twee boeke vir volwassenes geskryf, maar nie een van hulle was goed genoeg vir haar om na ’n uitgewer te stuur nie.

Rowling en haar tweede man, Neil Murray, het in 2003 'n seun gehad. Twee jaar later, in 2005, het die egpaar 'n dogter gehad.

In 2003 is bereken dat Rowling ryker as die Britse monarg sou wees, en vir 'n rukkie was sy die rykste vrou in die land, nadat sy 500 miljoen eksemplare van sewe boeke verkoop het wat (geheel of gedeeltelik) in 69 tale vertaal is. Dit het saam meer as 8 miljard dollar ingesamel.

Rowling is in 2010 deur redakteurs van vooraanstaande tydskrifte as die 'Invloedrykste Vrou in Brittanje' aangewys. Sy het 'n noemenswaardige filantroop geword en het onder meer gehelp om die Kinderhoëvlakgroep te stig. Sy het ook baie geld geskenk aan organisasies soos Comic Relief, One Parent Families en die Multiple Sclerosis Society of Great Britain. Rowling se netto waarde is in 2011 deur Forbes op $1 miljard geraam. 'n Jaar later het die tydskrif egter haar fortuin op $160 miljoen geraam, die verskil was te wyte aan die belasting wat gehef word op hoë inkomste in Brittanje, asook haar skenkings. In 2016 is haar rykdom op £584 miljoen geraam.

In 2011 is 'n film oor Rowling se lewe vrygestel, getitel Magic Beyond Words: The J.K. Rowling-story.

Bibliografie wysig

Harry Potter wysig

  • 1997: Harry Potter and the Philosopher's Stone
  • 1998: Harry Potter and the Chamber of Secrets
  • 1999: Harry Potter and the Prisoner of Azkaban
  • 2000: Harry Potter and the Goblet of Fire
  • 2003: Harry Potter and the Order of the Phoenix
  • 2005: Harry Potter and the Half-Blood Prince
  • 2007: Harry Potter and the Deathly Hallows

Verwysings wysig

  1. ↑ Eyre, Charlotte (1 Februarie 2018). "Harry Potter book sales top 500 million worldwide". The Bookseller (in Engels). Geargiveer vanaf die oorspronklike op 7 April 2020.
  2. ↑ Billington, Alex (9 Desember 2010). "Exclusive Video Interview: 'Harry Potter' Producer David Heyman" (in Engels). firstshowing.net. Geargiveer vanaf die oorspronklike op 20 Desember 2010. Besoek op 29 Desember 2010.
  3. ↑ Shapiro, Marc (2000). J.K. Rowling: The Wizard Behind Harry Potter. New York: St. Martin's Press. ISBN 978-0-312-32586-2.
  4. ↑ Shelagh, Rogers (23 Oktober 2000). "Interview: J.K. Rowling". This Morning. Canadian Broadcasting Corporation.
    Reprint Geargiveer 15 Desember 2013 op Wayback Machine at Accio Quote! (accio-quote.org). 28 Julie 2007. Retrieved 24 Desember 2013.
  5. ↑ "Judge rules against J.K. Rowling in privacy case" Geargiveer 8 Junie 2008 op Wayback Machine. Guardian Unlimited. 7 Augustus 2007. Retrieved 21 Augustus 2007.
  6. ↑ Parker, Ian (1 Oktober 2012). "Mugglemarch: J.K. Rowling writes a realist novel for adults". The New Yorker (in Engels). Geargiveer vanaf die oorspronklike op 3 Februarie 2020. Besoek op 23 September 2012.
  7. ↑ "Biography: J.K. Rowling" Geargiveer 31 Desember 2007 op Wayback Machine. Scholastic.com. Retrieved 20 Oktober 2007.

Eksterne skakels wysig

Ontsluit van "https://af.wikipedia.org/w/index.php?title=J.K._Rowling&oldid=2663565"