James Leonard Brierley Smith
James Leonard Brierley Smith (26 Oktober 1897 – 7 Januarie 1968), meer bekend J.L.B. Smith, was 'n Suid-Afrikaanse igtioloog, organiese skeikundige en professor. Hy het bekend geword toe hy die selakant geïdentifiseer het. Daar is vroeër geglo dat die Selakant reeds uitgesterf het. Hy het verskeie publikasies die lig laat sien waarvan SMITHS' SEA FISHES die bekendste is.
J.L.B. Smith | |
|---|---|
 Smith met die tweede selakant ooit gevang. | |
| Gebore | James Leonard Brierley Smith 26 Oktober 1897 |
| Sterf | 7 Januarie 1968 |
| Nasionaliteit | Suid-Afrika |
| Beroep | Igtioloog |
| Bekend vir | Identifiseer die selakant |
| Eggenoot | Henrietta Cecile Pienaar (1922-1937) Margaret Mary Macdonald (1938-sy dood) |
| Kinders | 3, insluitend William Smith |
| Ouer(s) | Joseph Smith en Emily Ann Beck |
Biografie
wysigSmith verwerf 'n meesters in chemie aan die Universiteit Stellenbosch en 'n doktoraal in filosofie aan die Universiteit van Cambridge. Met sy terugkeer na Suid-Afrika doseer hy aan die Rhodes-universiteit in Grahamstad in die Oos-Kaap.
Sy belangstelling in igtiologie ontstaan tydens ‘n strandvakansie, waar hy as gevolg van swak gesondheid ontspan het.
In 1938 hoor Smith dat Marjorie Courtenay-Latimer ‘n selakant gevind het. Hy ondersoek die vis in Februarie 1939, waarna hy dit identifiseer. Die vis is na die ontdekker daarvan vernoem, Latimeria.
Smith het saam met sy vrou aan die boek Sea Fishes of South Africa (1949) gewerk, waarna verskeie ander titels tot in 1968 verskyn het.
In 1968 pleeg Smith na 'n lang tydperk van siekte selfmoord deur sianied te neem. Sy vrou het later die JLB Smith Instituut vir Igtiologie in Grahamstad gestig.
Boeke
wysig- Sea Fishes of South Africa (met Margaret M. Smith, wat ook meeste illustrasie geteken het), Central News Agency Ltd, 1949
- Old Fourlegs - The Story of the Coelacanth, Longmans & Green, 1956
- The fishes of the Seychelles (met Margaret M. Smith), Rhodes Universiteit, 1963
- Fishes of the Tsitsikama Coastal National Park (met Margaret M. Smith), National Board of Trustees, 1966
- High Tide, Books of Africa, 1968
- Our Fishes (met Margaret M. Smith), Voortrekkerpers, 1968
Eksterne skakels
wysig
- (en) Korrespondensie tussen Smith en Courenay-Latimer
- (en) Kort biografie (met foto's)
- (en) Instituut vir Igtiologie Geargiveer 29 Januarie 2008 op Wayback Machine