Jan Theodoor van Rijswijck

Jan Theodoor van Rijswijck (7 Julie 1811, Antwerpen - 7 Mei 1849, Antwerpen) was 'n Vlaamse skrywer. Hy was 'n oom van die politikus Jan Van Rijswijck.

Jan Theodoor van Rijswijck, deur Michel Charles Antoine Verswyvel

Biografie wysig

Hy het nie veel formele opleiding ontvang nie, maar sy vader, 'n onderwyser, het die werke van Jacob Cats, Joost van den Vondel en ander digters aan sy kinders voorgelees. Jan Theodoor van Rijswijck het ook onderwyser geword, maar was avontuurlustig en het in 1830 as vrywilliger aangesluit by die Belgiese onafhanklikheidsoorlog teen Nederland. Die militêre lewe het hom egter nie beïndruk nie, en hy het toestemming gekry om die leër te verlaat, waarna hy terug is na Antwerpen waar hy werk as 'n bankklerk gevind het.

Intussen het hy 'n voorstander van die Vlaamse beweging geword. Hy het Hendrik Conscience aangespoor om eerder in Nederlands as in Frans te skryf, en self politieke en satiriese liedjies geskryf. Sy skrywes het hom bekendheid besorg as 'n volksdigter en hy het 'n boheemse leefstyl begin aanhang. Aan die einde van sy lewe het spanning en politieke onderdrukking hom ondergekry, en het sy geestesgesteldheid daaronder gelei. Hy sterf in 'n asiel vir geestesongesteldheid in Antwerpen in 1849. In 1864 is 'n standbeeld vir hom in Antwerpen opgerig en 'n straat na hom vernoem, die Jan van Rijswijck laan.

Sien ook wysig

Bronne wysig