January Masilela
Januarie Masilela was sekretaris van die Departement van Verdediging van Suid-Afrika. Hy is in 1955 gebore en het gedien as adjunk-sekretaris-generaal van die ANC.
January Masilela | |
|---|---|
| Gebore | January Boy Masilela[1] 23 Februarie 1955 |
| Sterf | 24 Augustus 2008 |
| Nasionaliteit |  Suid-Afrika |
| Bekend vir | Sekretaris van die Departement van Verdediging |
| Termyn | 1999 tot 2008 |
| Politieke party | ANC |
Loopbaan
wysigMasilela het Suid-Afrika in 1975 verlaat om na Zambië te gaan waar hy by Umkhonto we Sizwe (MK) aangesluit het. Hierdie mobilisering was die begin van sy militêre opleiding, waarna hy sy basiese militêre opleiding in Libië gaan doen het, voordat hy na die voormalige Sowjet-Unie gegaan het waar hy vir sowat twee jaar lank 'n senior kursus bygewoon het. Tussen 1982 en 1984 het hy 'n senior diploma in sosiale wetenskap bekom.
Hy was die adjunk-sekretaris-generaal van die ANC tussen 1992 en 1994, en die sekretaris van die Departement van Verdediging van Suid-Afrika tussen 1999 en 2008.
Dood
wysigMasilela het in 'n motorongeluk in Bronkhorstspruit gesterf op 24 Augustus 2008.[3]
Straatnaam
wysigJanuarie Masilela-rylaan (voorheen bekend as Genl. Louis Botha-rylaan) in Pretoria is in 2012 na hom vernoem.[4]
Verwysings
wysig- ↑ "Mail & Guardian - Defence secretary January Masilela died in a car accident in Bronkhorstspruit on Sunday, police have confirmed" (in Engels). Geargiveer vanaf die oorspronklike op 17 Maart 2018. Besoek op 11 Oktober 2015.
- ↑ "Who's Who Southern Africa" (in Engels). Geargiveer vanaf die oorspronklike op 9 Oktober 2019. Besoek op 11 Oktober 2015.
- ↑ "Pretoria News: Peek into lives of Struggle heroes on our streets" (in Engels). Geargiveer vanaf die oorspronklike op 10 Oktober 2015. Besoek op 11 Oktober 2015.
- ↑ "ShowMe: Pretoria's new street names" (in Engels). Geargiveer vanaf die oorspronklike op 28 Maart 2019. Besoek op 11 Oktober 2015.
