Jeffrey Sachs
Jeffrey David Sachs (* 5 November 1954) is 'n Amerikaanse ekonoom en direkteur van The Earth Institute. Sachs was op die ouderdom van 28 een die jongste professors wat by Harvard-universiteit aangestel is en het bekend geword vir sy rol as adviseur tot Oos-Europese en ontwikkelende lande se regerings tydens die oorgang van kommunisme na markstelsels of tydens ekonomiese krisisse. Sedertdien word hy geken vir sy werk in ekonomiese ontwikkeling, ekologiese volhoubaarheid, armoedeverligting, volhoubare ontwikkeling, die kansellering van ontwikkelinde lande se skuld, en globalisering.
| Jeffrey Sachs | |
| |
Jeffrey Sachs (2005)
| |
| Gebore | 5 November 1954 Detroit, Michigan (VSA) |
|---|---|
| Alma mater | Harvard-universiteit |
| Nasionaliteit | Amerikaans |
| Instelling | Columbia-universiteit |
| Vakgebied | Politieke ekonomie, globale ontwikkeling |
| Stroming | Keynesianisme[1] |
| Invloede | Paul Samuelson, John Maynard Keynes[1][2] |
| Beïnvloed | Nouriel Roubini, Jared Diamond[3] |
| Bydraes | Millennium Villages Project |
Sachs is die Quetelet-professor van volhoubare ontwikkeling by Columbia-universiteit se Skool van Internasionale en Openbare Betrekkinge, en 'n professor van gesondheidsbeleid- en bestuur by Columbia se Skool van Openbare Gesondheid. Hy is die medestigter en hoofstrateeg van die Millennium Promise Alliance, 'n nie-winsgewende organisasie wat poog om ekstreme armoede en hongersnood te beëindig. Hy is die spesiale adviseur tot die Verenigde Nasies se sekretaris-generaal Ban Ki-moon oor die millenniumdoelstellings; hy het hierdie posisie ook onder die voormalige sekretaris-generaal Kofi Annan beklee. Vanaf 2002 tot 2006 was hy direkteur van die Verenigde Nasies se Millenniumprojek se werk aan die millenniumdoelstellings. Hy is tans direkteur van die VN Volhoubare Ontwikkeling-oplossingsnetwerk.
Sachs is sedert 1995 'n lid van die Internasionale Adviserende Raad van die Sentrum vir Sosiale en Ekonomiese Navorsing, en hy is sedert 2010 'n kommissaris vir die Breëbandkommissie vir Digitale Ontwikkeling, wat breëbandtegnologieë toewy om sosiale en ekonomiese ontwikkeling te bemoontlik.[4]
Sachs het drie boeke geskryf wat die New York Times se topverkoperlys behaal het: The End of Poverty (2005), Common Wealth (2008), en The Price of Civilization (2011).
Sachs is in 2004 en in 2005 as een van die tydskrif Time se 100 invloedrykste persone ter wêreld aangewys.
Verwysings
wysig- ↑ 1,0 1,1 "Janet Shan, "Keynesian Economist, Jeffrey Sachs Says President Obama's Stimulus has Failed"" (in Engels). Hinterlandgazette.com. 7 Junie 2010. Geargiveer vanaf die oorspronklike op 13 April 2017. Besoek op 19 Februarie 2014.
- ↑ Simon Zadek, "Sustainable finance is the way out of crisis", 29 Augustus 2011 by openDemocracy.net
- ↑ Eric Sheppard (1 Maart 2011). "E Sheppard – Dialogues in Human Geography March 2011 vol. 1 no. 1 46–75" (in Engels). Dhg.sagepub.com. Geargiveer vanaf die oorspronklike op 7 Mei 2016. Besoek op 19 Februarie 2014.
- ↑ "argiefkopie". Geargiveer vanaf die oorspronklike op 14 Mei 2010. Besoek op 10 Januarie 2015.
Eksterne skakels
wysig
Wikimedia Commons het meer media in die kategorie Jeffrey Sachs.
- Amptelike webwerf (en)
- UN Sustainable Development Solutions Network (en)
- Earth Institute Director's Page (en)
- Millennium Villages Project Geargiveer 21 Mei 2013 op Wayback Machine (en)
