Jerzy Jan Maksymiuk (gebore op 9 April 1936) is 'n Poolse dirigent, pianis en komponis.

Jerzy Maksymiuk in 2011

Lewe wysig

Maksymiuk is in Grodno, Tweede Poolse Republiek (nou Belarus) gebore. Hy het viool, klavier, dirigeer en komposisie by die Warskou Konservatoria studeer. In 1964 het hy eerste prys tydens die Paderewski Klavier-kompetisie gewen. Dirigeer het egter gou sy hoof belangstelling geword. Terwyl hy gewerk het by die Warskou-teater het hy die Poolse Kamerorkes gevorm, wat sy Britse debuut in 1977 gemaak het en daarna regoor die wêreld getoer het. Tussen 1975 en 1977 het Jerzy Maksymiuk ook die titel van Hoofdirigent gehou by die Poolse Nasionale Radio-simfonieorkes. In 1993 het hy hoofdirigent van die Krakowse Filharmoniese Orkes geword.[1]

Maksymiuk was vanaf 1983 tot 1993 Hoofdirigent van die BBC Skotse Simfonieorkes (BBC SSO), saam met wie hy elke seisoen verskyn het tydens die Henry Wood Promenade-konserte in Londen. Hulle het saam verskeie oorsese toere onderneem. Maksymiuk is tans die BBC SSO se Dirigent-Laureaat. Maksymiuk het in Brittanje ook die BBC Nasionale Simfonieorkes van Wallis, BBC Filharmoniese Orkes, Stad Birmingham Simfonieorkes, Londen Simfonieorkes, Londen Filharmoniese Orkes en The Philharmonia gedirigeer. Bykomend hiertoe het hy baie orkeste in Europa, die VSA, Japan, Australië en Israel gedirigeer. In April 1990 was 'n eredoktorsgraad van Lettere en Wysbegeerte aan hom toegeken deur Strathclyde Universiteit. Sy opnames sluit die eerste nie-geredigeerde uitvoering in die Weste van Ignacy Jan Paderewski se massiewe Simfonie in B mineur, "Polonia", welke hy ook in Pole uitgevoer het, in.

Verwysings wysig

  1. John Rockwell (1 Maart 1993). "Cracow Philharmonic As an Orchestra In Painful Transition". New York Times. Besoek op 10 Februarie 2009.

Eksterne skakels wysig

Kulturele poste
Voorafgegaan deur
Karl Anton Rickenbacher
Hoofdirigent, BBC Skotse Simfonieorkes
1983-1993
Opgevolg deur
Osmo Vänskä