Jianwen
Jianwen (Chinees: 建文帝, pinyin: Jiànwén Dì; 5 Desember 1377 – 13 Julie 1402) was die tweede keiser van die Ming-dinastie in China. Sy persoonlike naam was Zhu Yunwen (朱允炆). Sy troonnaam, Jianwen, beteken "die vestiging van hoflikheid" en verteenwoordig ’n skerp afwyking van die aanslag van sy oupa en voorganger, Hongwu ("oneindig krygshaftig").[1]
| Jianwen | |
|---|---|
| Keiser van die Ming-dinastie | |
| |
| Dinastie | Ming (Huis van Zhou) |
| Bewind | 30 Junie 1398 – 13 Julie 1402 |
| Gebore | 5 Desember 1377 |
| Gesterf | 13 Julie 1402 (op 24) (betwis) |
| Voorganger | Hongwu |
| Opvolger | Yongle |
| Gade | Xiaominrang |
| Vader | Zhu Biao |
| Moeder | Lü |
Sy bewind het nie lank geduur nie: ’n Poging om sy ooms in toom te hou het gelei tot die Jingnan-rebellie, waarin hy deur sy oom Zhu Di omvergewerp is. Zhu Di het hom daarna opgevolg as keiser Yongle. Hoewel Yongle ’n verbrande liggaam as Zhu Yunwen s’n voorgehou het, het gerugte die ronde gedoen dat Jianwen hom as ’n Boeddhistiese monnik vermom en uit die paleis ontsnap het nadat Zhu Di se magte dit aan die brand gesteek het. Sommige kenners glo hy het na Suidoos-Asië gevlug.[2]
Verwysings
wysig- ↑ Dardess, John. Ming China, 1368-1644: A Concise History of a Resilient Empire. Rowman & Littlefield, 2011. ISBN 1442204915, 9781442204911. Besoek op 14 Oktober 2012.
- ↑ "Ming Emperor overseas?" (in Engels). Chinatownology. Geargiveer vanaf die oorspronklike op 21 Februarie 2020.
Eksterne skakels
wysig
Hierdie artikel is vertaal uit die Engelse Wikipedia
