Johanna Luyt
Johanna Luyt-Plomp (Nederland, 1 September 1871 – Kaapstad, 27 Januarie 1931) was 'n Suid-Afrikaanse musiekskrywer en komponis van Nederlandse herkoms.
Johanna Luyt | |
|---|---|
| Gebore | 1 September 1871 (Nederland) |
| Sterf | 27 Januarie 1931 Kaapstad (Unie van Suid-Afrika) |
| Beroep(e) | Komponis, musiekskrywer |
Haar verloofde het reeds voor haar na Suid-Afrika gekom en was lid van die Mount Nelson-trio. Hy is in 1902 na Holland om met haar te trou. In 1915 tree sy toe tot die redaksie van De Burger en in dieselfde jaar word sy benoem tot onderwysers aan die Musiekkollege (later deel van die Universiteit van Kaapstad). Aan dié inrigting was sy verbonde tot 1929 toe sy weens toenemende vermindering van haar sig, haar ontslag moes neem. Van haar hand het die volgende musiekwerke verskyn: Algemene musiekleer, Die berg en die see, met woorde deur M.E.R. (1925), Die veldkinders, sangspeletjies vir kinders deur M.E.R. (1925), Die verlore speelmaat: sangespeletjies vir kinders, eweneens met woord deur M.E.R. (1925).
Johanna Luyt het bekendheid verwerf vir die artikels oor musiek wat sy vir Die Burger geskryf het onder die skuilnaam Toonkunst.
Bronne
wysig- (af) Nienaber, P.J. Hier Is Ons Skrywers! Biografiese Sketse van Afrikaanse Skrywers. Johannesburg: Afrikaanse Pers-Boekhandel