John Glenn
John Herschel Glenn jr. (gebore op 18 Julie 1921 in Cambridge, Ohio; oorlede op 8 Desember 2016 in Columbus, Ohio) was 'n Amerikaanse ruimtevaarder, Marinierskorpsvegvlieënier, bevestigde Presbiteriaanse ouderling, senior korporatiewe bestuurder, en politikus. Hy was die derde Amerikaner wat in die ruimte gevlieg het en die eerste Amerikaner om om die Aarde te wentel aanboord Friendship 7 in 1962. Nadat hy by Nasa afgetree het, het hy as Verenigde State-senator vir die Demokratiese Party in Ohio van 1974 tot 1999 gedien. Hy het die Kongres se Ruimte-eremedalje in 1978 ontvang. Hy het die oudste persoon wat in die ruimte gevaar het, geword toe hy op die ouderdom van 77 in 1998 aanboord die ruimtependeltuig Discovery gevlieg het.
| John Glenn | |
 John Glenn as Amerikaanse Senator | |
Amerikaanse Senator
vir Ohio | |
| Ampstermyn 24 Desember 1974 – 3 Januarie 1999 | |
| Voorafgegaan deur | Howard Metzenbaum |
|---|---|
| Opgevolg deur | George Voinovich |
Voorsitter van die Senaatskomitee vir Regeringsake
| |
| Ampstermyn 3 Januarie 1987 – 3 Januarie 1995 | |
| Voorafgegaan deur | William V. Roth Jr. |
| Opgevolg deur | William V. Roth Jr. |
Persoonlike besonderhede
| |
| Gebore | 18 Julie 1921 Cambridge, Ohio |
| Sterf | 8 Desember 2016 (op 95) Columbus, Ohio |
| Politieke party | Demokratiese Party |
| Eggenoot/-note | Annie Glenn (1943–2016; sy dood) |
| Kind(ers) | 2 |
| Alma mater | Muskingum Universiteit, B.S. 1962 Universiteit van Maryland |
| Religie | Presbiterianisme |
| Handtekening | 
|
Militêre Diens
| |
| Lojaliteit |  Verenigde State
|
| Diens/Tak | .svg){kind=small} Amerikaanse Vloot Amerikaanse Marinierskorps
|
| Jare in diens | 1941–1965 |
| Rang | Kolonel |
| Eenheid | VMJ-353 • VMF-155 • VMF-218 • VMA-311 • 4th Fighter Wing • 51st Fighter Wing |
| Oorloë/Veldslae | Tweede Wêreldoorlog Korea-oorlog |
Lewensgeskiedenis wysig
.jpg)
John Herschel Glenn is op 18 Julie 1921 in Cambridge, Ohio gebore. Op skool was hy 'n uitstekende leerling en sportman. Van jongs af het hy 'n passie gehad vir vlieg en op die ouderdom van 21 het hy 'n vlootvliegkursus vir burgerlikes voltooi.
Tydens die Tweede Wêreldoorlog het hy vir die vloot gewerk en was hy tot die rang van kaptein bevorder. In 1946 het hy 'n permanente lid van die Marinierskorps geword. Hy was 'n oorlogvlieënier in die Korea-oorlog en het 'n vlieginstrukteur en toetsvlieënier geword met sy terugkeer. In 1957 het John Glenn die eerste ononderbroke supersoniese vlug oor Amerika uitgevoer en in 1962 is hy uit een honderd ruimtevaarderkandidate gekies om deel te vorm van 'n sewemanspan wat strawwe opleiding vir wentelvlug sou ondergaan, die sogenaamde Mercury Sewe. Die mans wat gekies is vir die Mercury-program is onderwerp aan uiterste temperature, sterk gravitasiekragte en gewigloosheid en het 'n verskeidenheid relevante vakke, waaronder astronomie, lugvaartbiologie en meteorologie, bestudeer. Gereelde fisiese en psigologiese toetse het een van Glenn se mees besondere kenmerke getoon - hy het senuwees van staal gehad en kon intense psigologiese spanning verduur sonder om te knak.
Later was hierdie eienskap ongelooflik waardevol toe herhaalde pogings om Friendship 7 (die vuurpyl waarin Glenn sy onvergeetlike vlug gedoen het) te lanseer, beteken het dat Glenn vir ure aaneen in sy sitplek vasgegordel was en gewag het. Hy was veertig jaar oud toe hy uiteindelik drie sonopkomste en drie sononders in een dag gesien het.
In 1964 het Glenn van die NASA Bemande Ruimtetuigsentrum bedank en in 1965 het hy afgetree uit die Marinierskorps. In 1967 het hy president van die Royal Crown International geword en in 1974 is hy as lid van die Senaat vir Ohio verkies, en ten spyte van 'n onsuksesvolle, finansieel vernietigende presidentsveldtog het hy vier ampstermyne as senator gedien.
In 1998 het John Glenn op die ouderdom van 77 weer eens ruimtegeskiedenis gemaak toe hy die oudste persoon was om in die ruimte te vlieg. Hy is gekies as bemanningslid op die STS-95 ruimtetuigmissie wat op 29 Oktober 1998 opgestuur is.
John Glenn is in 1943 met Anna Margaret Castor getroud. Hulle seun en dogter is in 1945 en 1947 onderskeidelik gebore.
Belangrikste prestasies wysig
Op 20 Februarie 1962 het John Glenn die eerste Amerikaner geword om om die aarde te wentel. Die Sowjetunie het die Verenigde State tien maande vroeër gewen in die resies om 'n mens ruimte toe te stuur toe Joeri Gagarin veilig in Rusland geland het nadat hy een uur agt en veertig minute in die ruimte was. Glenn se vier uur ses en vyftig minute, waartydens hy drie keer om die aarde gegaan het, het egter vir Glenn een van die bekendste mans van die twintigste eeu gemaak.
In die sestigerjare se atmosfeer van die Koue Oorlog het die Amerikaanse prestasie van wentelvlug gedien om kwynende Amerikaanse en Westerse moraal 'n hupstoot te gee en verdere besteding aan ruimtetegnologie aangehits wat gelei het tot die bekendstelling van belangrike satelliettegnologie. Glenn het 'n kitsheld geword en is op nasionale televisie verwelkom en in straatparades in Washington en New York vereer.
Eksterne skakels wysig
Wikimedia Commons het meer media in die kategorie John Glenn.- (en) John Glenn in die Internet-rolprentdatabasis
