Joseph A. Citro is 'n Amerikaanse skrywer, volkskundige en versamelaar van volksverhale uit die deelstaat Vermont, wat bekendheid verwerf het deur sy uitvoerige navorsing oor en dokumentasie van Vermont en die res van Nieu-Engeland se volks- en spookverhale, bonatuurlike verskynsels en okkulte gebeurtenisse

Van kindsbeen af het hom spook- en gruverhale, en hier veral die werke van Edgar Allan Poe en H.P. Lovecraft, ná aan die hart gelê, en hy het ook sy eie skrywersloopbaan met 'n reeks spookverhale soos The Gore, Shadow Child en Guardian Angels begin. In hierdie romans het hy elemente van Poe se klassieke gruverhale en die skrik van Lovecraft se vertelkuns met volksverhale uit Vermont en die milieu van Nieu-Engeland vermeng.

Later het Citro 'n poging onderneem om Nieu-Engeland se eksentrieke verhale, volksverhale, geheimsinnige monsters, berigte oor vlieënde pierings, spookhuise en ander bonatuurlike gebeurtenisse te katalogiseer. Sy boeke oor hierdie onderwerpe sluit Green Mountains' Ghosts, Ghouls, and Unsolved Mysteries, Passing Strange: True Tales of New England Hauntings and Horrors, Green Mountains, Dark Tales en Damned Yankees: Cursed in New England in. Saam met Diane Foulds het hy ook 'n reisgids uitgegee, wat eksentrieke en misterieuse bestemmings in Nieu-Engeland behandel: Curious New England: The Unconventional Traveler's Guide to Eccentric Destinations.

Joseph A. Citro het ook seminare oor die skryf van spookverhale en nie-fiksie aangebied en kommentaar daaroor gelewer op Vermont Public Radio.

Romans wysig

  • Shadow Child (1987)
  • Guardian Angels (1988)
  • The Gore (1990)
  • The Unseen (1990)
  • Dark Twilight (staan ook bekend as Lake Monsters) (1991)
  • Deus-X (1994)

Nie-fiksie wysig

  • Green Mountain Ghosts, Ghouls and Unsolved Mysteries (1994)
  • Passing Strange: True Tales of New England Hauntings and Horrors (1996)
  • The Vermont Ghost Guide (2000)
  • Curious New England: The Unconventional Traveler's Guide to Eccentric Destinations (2003) (with Diane E Foulds)
  • Cursed in New England: Stories of Damned Yankees (2004)
  • Weird New England (2006) (met 'n voorwoord Mark Sceurman en Mark Moran)

Sien ook wysig