Judah Leo Landau

Dr. Judah Leo Landau (1866 - 1942) was 'n Suid-Afrikaanse Joodse geleerde. Hy is in 1866 in Galicië, Oostenryk gebore en stam uit 'n familie van geleerdes. Hy het reeds op jeugdige ouderdom begin belang stel in die herlewing van Hebreeus as spreek- en leestaal. Hy studeer aan die Universiteit van Wenen en verwerf in 1898 sy doktersgraad in Filosofie en sluit kort daarna aan by die Sionistiese beweging. Hy arriveer in 1903 in Johannesburg waar hy vir die res van sy lewe woon. Hier word hy hoofrabbi van die Groot Sinagoge en ook professor in Hebreeus aan die Universiteit van die Witwatersrand. Hy beklee ook heelparty ander poste. Hy sterf in 1942.

Bronne wysig

Rosenthal, Eric (red.). Ensiklopedie van Suidelike Afrika. Londen en New York: Frederick Warne & Kie Bpk.