Julian Motau
Julian Motau (1948–1968) is in Tzaneen gebore, waar hy ook skoolgegaan het. Nadat hy 'n tyd lank by die kunstenares Judith Mason gewerk het, het hy in 1967 sy eerste eenmanuitstalling in Johannesburg gehou.[1][2] Binne 'n jaar het hy so opgang gemaak dat van sy skilderye in die VSA, Israel, Frankryk, Italië, Engeland en Noorweë verkoop is.
| Julian Motau | |
|---|---|
| Gebore | 1948 Tzaneen, Transvaal, Suid-Afrika |
| Sterf | 1968 Alexandra, Johannesburg, Suid-Afrika |
| Nasionaliteit | Suid-Afrika |
| Veld | Kunstenaar |
'n Uitstalling van sy werk wat eers in Pretoria en daarna in Israel en Oxford (Engeland) aangebied sou word, is op 26 Februarie 1968 as 'n gedenktentoonstelling aangebied nadat hy nege dae tevore in 'n skietvoorval in Alexandra gesterf het.[1]
Motau se werk het meestal oor die sogenaamde townshiplewe gehandel, wat hy op 'n sensitiewe manier weergegee het. Hy het van verskillende tekenmateriale, soos houtskool, kryt en ink gebruik gemaak. Sy werke toon 'n besondere insig in die emosies en gevoel van die figure wat hy uitgebeeld het.
Verwysings
wysigBronnelys
wysig- Wêreldspektrum, Vol. 19, 180, ISBN 0-908409-60-5