Kaapsehoop

Kaapsehoop is 'n klein dorpie in Mpumalanga, in die ooste van Suid-Afrika, 25 km van Nelspruit. Die dorp word ook Kaapsche Hoop genoem, die ou naam en Nederlandse naam van die dorp.

Kaapsehoop Kaapsche Hoop
Dorp
Kaapsehoop straatjie
Kaapsehoop  Kaapsehoop se ligging in Mpumalanga
Koördinate: 25°35′S 30°46′O
Land	Suid-Afrika
Provinsie	Mpumalanga
Distrik	Ehlanzeni
Munisipaliteit	Mbombela
Oppervlak
• Totaal	0,35 km2 (0,14 vk. myl)
Hoogte	1 486 m (4 875 ft)
Bevolking  (2011)
• Totaal	182
• Digtheid	520/km2 (1 300/vk. myl)
Rasverdeling (2011)
• Wit mense	75.3%
• Swart mense	24.7%
Taal (2011)
• Afrikaans	51.1%
• Engels	25.0%
• Swazi	20.0%
• Ndebele	1.1%
• Ander	2.8%
Poskode (strate)	1203
Poskode (posbusse)	1203
Skakelkode	013

Geskiedenis

Kaapsehoop het oorspronklik bekendheid verwerf as 'n goudmyndorp, eens bekend as die Duiwelskantoor, toe spoelgoud in 1882 ontdek is in 'n klein spruitjie wat deur die dorp vloei. Dit het gelei dat 'n gedeelte van die oorspronklike dorpuitleg herroep is en toe geopen is vir gouddelwery. Maar die beter-lonende ontdekking van goud vroeër in Pelgrimsrus in 1873 en Barberton in 1881, gevolg deur die ontdekking van goud aan die Witwatersrand in 1886, tesame met karige opbrengste verkry by Kaapsche Hoop het gelei tot die dorp se agteruitgang.

Vandag

Die dorpie is die afgelope tyd "herontdek" en is nou 'n gewilde naweektoevlugsoord met sy interessante outydse boustyl, insluitende vele akkommodasie-ondernemings. Nuwe behuising (ongelukkig nie in dieselfde outydse boustyl nie) is ook opgerig op sommige van die oorblywende oop erwe.

Sien ook

• Lys van dorpe in Suid-Afrika