Kabomporivier
Die Kabomporivier in die noordweste van Zambië is 'n sytak van die Zambezirivier.
| Kabomporivier | |
|---|---|
 Die stroomgebied van die Kabomporivier (in rooi). | |
| Oorsprong | Katanga-heuwels suid van Kolwezi (Demokratiese Republiek die Kongo) |
| Monding | Zambezirivier, Zambië |
| Stroomgebied | Zambië |
| Lengte | 640 km |
| Oorspronghoogte | 1 517 m |
| Mondinghoogte | 1 017 m |
| Stroomgebiedopp. | 72 140 km² |
 Kaart van die Kabomporivier-bekken in Afrika.
| |
Hierdie rivier ontspring in die Katanga-heuwels suid van Kolwezi in die Demokratiese Republiek die Kongo en tussen Mwinilunga en Solwezi. Dit loop van noordoos na suidwes. In die stroomgebied op ruim 1000 m bo seevlak is verskeie panne en moerasse waarvan die Likelepan en die Matovapan die grootste is. Die dorp Kabompo aan die rivier lê by 13° 34′ suid en 24° 14′ oos, 360 km suidwes van Solwezi, suid van Mwinilunga en oos van die dorp Zambezi (voorheen bekend as Balovale).
Die rivier is 640 km lank en sluit stroomaf van Zambezi en net noord van Lukulu (op 14° 24′ 30″ suid, 23° 16′ 00″ oos) by die Zambezirivier aan. Belangrike sytakke wat van noord by die Kabomporivier aansluit, is die Mwambezhi, Wes-Lungo en die Manyinga. In die benedelooop sluit die Dongwarivier uit die ooste aan. Rondom die rivier is golwende laagtes op 'n hoogte van 'n 1170 m bo seevlak. Per jaar val in die gebied gemiddeld 1150 mm reën, met die meeste neerslag tussen Oktober en April. Veral dan is die lugvogtighheid hoog. In hierdie dunbevolkte gebied is die paaie swak en word die rivier gevolglik vir vervoer gebruik. Ook word visgevang.
Bibliografie
wysig- Standard Encyclopaedia of Southern Africa, deel 6. Kaapstad: Nasou, 1972. ISBN 0-625-00322-5