Kingdoms of Fire, Ice & Fairy Tales
Kingdoms of Fire, Ice & Fairy Tales is die tweede dokumentêre rolprent van Bonné de Bod en die rolprentmaker, Susan Scott.[1] Drie magiese natuurkoninkryke, naamlik Yellowstone Nasionale Park in die VSA, die Swartwoud in Duitsland en die Noordpoolsirkel in Swede se Lapland. Die rolprent is by verskeie internasionale filmfeeste vertoon en het talle toekennings ontvang.
| Kingdoms of Fire, Ice & Fairy Tales | |
|---|---|
| Regisseur | Susan Scott |
| Vervaardiger | Bonné de Bod Susan Scott |
| Verteller | Bonné de Bod |
| Uitgereik | 3 Desember 2020 |
| Land | Suid-Afrika |
| Taal | Engels |
| Amptelike webtuiste | |
Ná hulle lang reis met Stroop (rolprent) het De Bod en Scott besluit om drie magiese wildernisse: Yellowstone Nasionale Park in die VSA, die Swartwoud in Duitsland en die Noordpoolsirkel in Swede se Lapland, te verfilm. Aanvanklik wou hulle dit in 'n televisiereeks van dertien episodes ontwikkel, maar as gevolg van die Covid-19 pandemie het hulle dit in 'n dokumentêre rolprent verwerk.[2] Die film is gekies om by sewe internasionale filmfeeste vertoon[3] te word en het al talle toekennings ingepalm.
Die bekende filmkritikus, Leon van Nierop, noem dat Kingdoms asembenewend is, maar dat dit die entoesiasme en respek is waarmee De Bod die natuur waarneem, wat die rolprent so merkwaardig maak. Verder sê hy ook dat die manier waarop sy altyd een word met die landskappe, die dryfkrag agter die rolprent is.[4][5]
Verwysings wysig
- ↑ "Amptelike lokprent - Kingdoms of Fire, Ice & Fairy Tales". youtube.com. 4 November 2020.
- ↑ "Kingdoms Of Fire, Ice and Fairy Tales on Showmax 3 December". www.getaway.co.za (in Engels). 1 November 2020.
- ↑ Baxter, Jenni (14 April 2021). "SA Filmmakers Receive Awards for Kingdoms of Fire, Ice & Fairy Tales". www.sapeople.com (in Engels).
- ↑ "Kingdoms of Fire, Ice & Fairy Tales (2020)". stories.showmax.com (in Engels). 15 April 2021.
- ↑ Meyer Jansen, Esté (4 September 2020). "Bekroonde rolprentmakers terug met nuwe natuurlewefliek". maroelamedia.co.za.