Klas B-tenklokomotief
Die 46-tonner stoomlokomotief was die werkesel van die Nederlands-Suid-Afrikaanse Spoorwegmaatskappy (NZASM). Dit is 'n tenklokomotief met 'n 0-6-4 wieluitleg. Ná die Tweede Vryheidsoorlog is dit as 'n Klas B-lokomotief geklassifiseer, eers deur die Sentraal-Suid-Afrikaanse Spoorweë (CSAR) en daarna deur die Suid-Afrikanse Spoorweë (SAS).
_F.jpg) NZASM 46 Tonner nr. 230 Jan Wintervogel te Witbank, Transvaal, April 1993 | |
| Tipe en oorsprong | |
|---|---|
| Kragtipe | Stoom |
| Ontwerper | Maschinenfabrik Esslingen |
| Vervaardiger | 175 deur Esslingen 20 deur Werkspoor |
| Serienommer | Esslingen: 2598–2617, 2624–2633, 2656–2665, 2703–2712, 2714–2733, 2745–2789, 2824–2843, 2854–2873, 2877–2886, 2941–2950 Werkspoor: 1-10, 29-38 |
| Model | NZASM 46 Tonner |
| Klas | NZASM 46 Tonner CSAR & SAR Class B |
| Vervaardig | 1893–1899 |
| Aantal gebou | 195 |
| Bouspesifikasies | |
| Konfigurasie | 0-6-4T |
| Spoorbreedte | 1 067 mm (3 vt 6 dm) (Kaapspoor) |
| Dryfwielomtrek | 1 300 mm |
| Agterwielomtrek | 810 mm |
| Wielbasis | 6 000 mm |
| Hoogte | 3 772 mm |
| Asbelasting | 10 770 kg |
| Massa op dryfwiele | 32 310 kg |
| Lokomotiefmassa | 46 330 kg |
| Aandrywing | |
| Brandstof | Steenkool |
| Brandstofkapasiteit | 4 000 kg |
| Waterkapasiteit | 6 830 L |
| Stoomketeldruk | 1 103 kPa |
| Vuurroosteroppervlak | 1,45 m2 |
| Vuurkastipe | Rondetop |
| 78,5 m2 | |
| – Vuurkas | 8,47 m2 |
| 86,98 m2 | |
| Silinders | Twee |
| Silindergrootte | 430 mm boor 630 mm slag |
| Klepwerk | Walschaerts |
| Klepsoort | Slide |
| Koppelsisteem | Bell skakel-en-pen |
| Werkverrigting | |
| Trekkrag | 73,8 kN @ 75% |
| Diensgeskiedenis | |
| Gebruiker | NZASM Pretoria-Pietersburg Spoorweë CFM (Mosambiek) Imperial Military Railways Sentraal-Suid-Afrikaanse Spoorweë Suid-Afrikaanse Spoorweë |
| Aantal in klas | NZASM 177, IMR 195, SAR 28 |
| Vlootnommer(s) | NZASM: 61-237 CFM: 20-49 IMR: 61-255 CSAR: 27-202 SAR: 1-2, 4-6, 8, 10-16, 18-22, 24-30, 33-43, 45-48, 50, 52, 54-55 |
| Afleweringsdatum | 1893–1899 |
| Eerste tog | 1893 |
| Onttrekkingsdatum | 1919 |
Teen die aanvang van die Tweede Vryheidsoorlog het die NZASM 240 lokomotiewe besit waarvan 177 46-tonners was.[1] Toe die Britse magte Pretoria in Junie 1900 ingeval het, is die beheer van NZASM aan die Imperial Military Railways (IMR) afgestaan. Ná die oorlog is die oorblywende lokomotiewe aan die CSAR oorgedra, waar hulle as Klas B-lokomotiewe geklassifiseer is. Met die stigting van die SAS in 1912 het hulle hierdie klassifikasie behou.[2]
Die 46-tonner is deur die Duitse firma Maschinenfabrik Esslingen vanuit die NZASM 40-tonner 0-6-2T tenklokomotief ontwikkel. Die 40-tonner se agterponiedraaistel kon nie altyd om NZASM se skerp draaie beweeg nie, dus is die 40-tonner met 'n 0-6-4 uitleg herontwikkel. Tussen die jare 1893 en 1988 is 175 lokomotiewe deur Maschinenfabrik Esslingen gelewer. In 1899, net voor die Tweede Vryheidsoorlog uitgebreek het, is nog 20 van hierdie lokomotiewe van die Nederlandse firma Nederlandse Fabriek van Werktuigen en Spoorwegmaterieel (Werkspoor) bestel. Twee van die laaste groep is net voor die oorlog afgelewer, die res is deur die IMR onderskep.[1]
Een van NZASM se 46-tonners, nr 46 Prinsloo, is aan die Pretoria-Pietersburg spoorwegmaatskapij (PPS) oorgedra. Hy het sy nommer en naam by die PPS behou.[1]
Verwysings wysig
- ↑ 1,0 1,1 1,2 (en) Holland, D.F. (1971). Steam Locomotives of the South African Railways, Volume 1: 1859–1910 (1st uitg.). Newton Abbott, Devon: David & Charles. pp. 96–98. ISBN 978-0-7153-5382-0.
- ↑ Klassifikasie van S.A.R. lokomotiewe met hernommerlyste, uitgereik deur die Kantoor van die Hoofmeganiese Ingenieur, Pretoria, Januarie 1912, pp. 9, 12, 14, 34 (Herdruk in April 1987 deur SATS Museum, R.3125-6/9/11-1000)
 | Hierdie treinartikel is 'n saadjie. Jy kan Wikipedia help deur dit uit te brei. |